Ես էլ չեմ ուզում իրենց հերքել. «Հայաստան» դաշինքը կվերցնի՞ մանդատները
Ռոբերտ Քոչարյանի գլխավորած «Հայաստան» դաշինքը դեռ hստակ որոշում չունի՝ վերցնե՞ն մանդատներն ու գնա՞ն խորհրդարան՝ Փաշինյանի գլխավորած Ազգային ժողովում ընդդիմություն աշխատելու, թե՞ հրաժարվեն իրենց բաժին հասած նման ճակատագրից և պայքարի այլ ուղի բռնեն: Ամեն դեպքում, դաշինքի անդամների, այդ թվում անձամբ Քոչարյանի հայտարարություններից ու ելույթներից ակնհայտ զգացվում է, որ հակված են վերցնելն մանդատներն ու գնալ ընդդիմություն աշխատել նոր ԱԺ-ում: Չնայած, հիշեցնենք, Քոչարյանը բառացի խոստացել էր, որ ընտրություններից հետո ինքն անպայման իշխանության է գալու:
Բայց վերջնական որոշում դեռ չունեն և մանդատները վերցնելու մասին դեռ չեն շտապում հայտարարել, քանզի դիմել են Սահմանադրական դատարան և սպասում են ՍԴ-ի կայացրած որոշմանը՝ ընտրությունները կեղծված լինել-չլինելու վերաբերյալ:
Քոչարյանի գրասենյակի ղեկավար Վիկտոր Սողոմոնյանը «Հրապարակ»-ի հարցին՝ վերցնելո՞ւ են մանդատները, թե՞ ոչ, ասաց՝ ՍԴ-ի որոշումը հրապարակելուց հետո անպայման կհայտարարեն այդ մասին, և հանրությունը կիմանա:
Այսինքն՝ վերջնակա՞ն չէ ԱԺ գնալու որոշումը, Սողոմոնյանը նորից նույնը կրկնեց. «Ես ամեն ինչ ասացի, Սահմանադրական դատարանի որոշումը հենց լինի, անմիջապես կհայտարարենք» :
Դիտարկմանը, թե իր թիմակիցները չեն հերքել, որ կվերցնեն մանդատներն ու կգնան ԱԺ, Սողոմոնյանն ասաց. «Բան չեմ կարող ասել, ես էլ չեմ ուզում իրենց հերքել, ինչ կա էս պահին, դա է»:
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Վրաստանը կշարունակի իր պրագմատիկ քաղաքականությունը Ռուսաստանի հետ
Նպատակը՝ տրանսֆերային արժեքը հնարավորինս նվազեցնելն է
Viking Row` Նորվեգիայի մանկապարտեզներից մեկում
ՀՀ վարչապետ Նիկոլ Փաշինյանի ճեպազրույցը ուղիղ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան