Կախված է արդյունքներից. Քոչարյանը՝ երկրորդ փուլի մասին
Sputnik Արմենիան գրում է․
«ՀՀ երկրորդ նախագահ Ռոբերտ Քոչարյանը քիչ հավանական է համարում խորհրդարանական ընտրությունների երկրորդ փուլի անցկացումը։
«Երկրորդ փուլը ենթադրում է, որ կոալիցիա ստեղծել հնարավոր չի լինի, եթե կուսակցություններից կամ դաշինքներից ոչ մեկը բավարար ձայներ չհավաքի` ինքնուրույն կառավարություն ձևավորելու համար։ Այսօրվա դրությամբ հավանականությունը փոքր է, որ երկրորդ փուլ կլինի», – ասաց նա Sputnik Արմենիային, ՌԻԱ Նովոստիին և Ruptly–ին տված հարցազրույցի ժամանակ։
Միևնույն ժամանակ Քոչարյանի գլխավորած «Հայաստան» դաշինքը կոալիցիա ստեղծելու հարցը նույնիսկ չի քննարկել, քանի որ հույս ունի հաղթել ընտրություններում և ինքնուրույն կառավարություն ձևավորել։
«Պատիվ ունեմ» դաշինքի (որն արդեն հայտնել է նման հնարավորության մասին) հետ կոալիցիա ստեղծելու մասին հարցին, Քոչարյանը պատասխանել է, որ ներկայիս իրավիճակը և հարցումները մի շարք կուսակցությունների դեպքում մեծ անորոշություն են ցույց տալիս, և հասկանալի չէ, թե ինչ տեսք կունենա խորհրդարանը։
«Սակայն անհրաժեշտության դեպքում պատրաստ կլինենք կոալիցիոն որոշակի լուծումների գնալ», – հավելեց նա։
Մեկնաբանելով ՀՀ առաջին նախագահ Լևոն Տեր–Պետրոսյանի կանխատեսումը կապված հետընտրական շրջանում բախումների հավանականության վերաբերյալ, նախկին նախագահը լիովին չբացառեց դեպքերի զարգացման նման տարբերակը։ «Ամեն ինչ կախված կլինի քվեարկության արդյունքներից և նրանից, թե արդյոք հասարակությունը վստահություն կցուցաբերի դրանց նկատմամբ», – ասաց «Հայաստան» դաշինքի առաջնորդը։
Եթե ընտրական հանձնաժողովներն ու ԿԸՀ–ն, ըստ նրա, իրենց աշխատանքը հստակ կատարեն, օրենքի շրջանակում, որևէ լուրջ հետևանք չի լինի։
«Բավական լավատեսորեն եմ նայում արդյունքներին և նրան, որ մեզ կհաջողվի խուսափել այդ կանխատեսումներից», – ասաց նա։
Ավելի վաղ ՀՀ առաջին նախագահ Լևոն Տեր–Պետրոսյանը Հանրային հեռուստաընկերությանը տված հարցազրույցում հայտարարել էր, որ Հայաստանում ներքաղաքական իրավիճակը պայթյունավտանգ է, այն սպառնում է քաղաքացիական պատերազմի վերածվել։
Հիշեցնենք, որ խորհրդարանական ընտրությունները կկայանան հունիսի 20-ին։ Դրանց մասնակցում է 21 կուսակցություն և 4 դաշինք, այդ թվում գործող ՀՀ վարչապետի պաշտոնակատարի և բոլոր երեք նախկին նախագահների քաղաքական ուժերը»։
Ալյասկայում Ուկրաինայի վերաբերյալ համաձայնություն չի եղել. Ռուբիո
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Վրաստանը կշարունակի իր պրագմատիկ քաղաքականությունը Ռուսաստանի հետ
Նպատակը՝ տրանսֆերային արժեքը հնարավորինս նվազեցնելն է
ՀՀ վարչապետ Նիկոլ Փաշինյանի ճեպազրույցը ուղիղ
ԱԱ-2026-ի փլեյ-օֆֆի նախնական ցանցն ունի հետևյալ տեսքը
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Կուսակիցները փակ հանդիպմանը կոշտ քննադատության են ենթարկել Թրամփին