Մամուլում հայտնվել է սեպտեմբերի 11-ի ահաբեկչությունների ենթադրյալ կազմակերպչի՝ Օբամային ուղղված նամակը

The Miami Herald պարբերականը Հալիդ Շեյխ Մոհամմեդի նամակից հատված է հրապարակել, որին ԱՄՆ-ում համարում են 2001 թվականի սեպտեմբերի 11-ին Նյու Յորքում իրականացված ահաբեկչությունների կազմակերպիչը: նամակը հասցեագրված է նախկին նախագահ Բարաք Օբամային: Այս մասին գրում է Gazeta-ն:

Նամակը գրվել է 2015 թվականի հունվարին, սակայն Գուանտանամո բանտի աշխատակիցները, որտեղ պահվում է Մոհամմեդը, հրաժարվել են այն ուղարկել պետության ղեկավարին: Երկրի դատական իշխանություններին ահաբեկչի փաստաբանի դիմումից հետո նամակը, ամեն դեպքում, հայտնվել է Օբամայի սեղանին:

18 էջանոց նամակում Մոհամմեդը պնդում է, որ «9/11-ին իրենք չեն սկսել պատերազմը»: Նրա կարծիքով՝ դա «արել եք դուք եւ մեր երկրում ձեր բռնապետերը»: Օբամային որակելով «օձի գլուխ» եւ «հարստահարման եւ բռնապետական երկրի» նախագահ՝ նա ընդգծել է, որ «ձեր ձեռքերին դեռ չի չորացել Գազայում սպանված մեր եղբայրների, քույրերի ու երեխաների արյունը»:

Մոհամմեդը նաեւ գրել է, որ երբեք ներում չի խնդրի ամերիկացիներից, եւ իրեն չի վախեցնում ցմահ ազատազրկման կամ մահապատժի հեռանկարը:

2016 թվականի հոկտեմբերին ԱՄՆ քաղաքացի կինն առաջին հայցն էր ներկայացրել Սաուդյան Արաբայի դեմ երկու օր անց այն բանից հետո, երբ Սենատը հաղթահարել էր նախագահ Բարաք Օբամայի օրենսդրական վետոն, որը 2001-ի սեպտեմբերի 11-ի ահաբեկչության զոհերի ընտանիքներին թույլ է տալիս համապատասխան հայցեր ներկայացնել:

news.am

Այս թեմայով Գերմանիայում ոստիկանությունը առեւտրի կենտրոնում ահաբեկչության փորձ է կանխել Հարավային Կորեան ԱՄՆ-ին կոչ է արել Հյուսիսային Կորեան ճանաչել ահաբեկչությունը հովանավորող պետություն Գերմանիայում ձերբակալել են մի տղամարդու, որը ահաբեկչություն էր ծրագրում զինվորականների ու ոստիկանության դեմ