Պաշտոնյան պետք է ապրի իր տանը, դիմացը ոստիկանությունը կարող է մի պոստ դնել ու դրանով բավարարվեն. Ռոբերտ Քոչարյան
Մեր դաշինքի ծրագրում կա, որ Կոնդի ամառանոցները դարձնել վերականգնողական կենտրոն վիրավոր զինծառայողների համար: Այս մասին հունիսի 3-ին, Տավուշի մարզի քաղաքացիների եւ «Հայաստան» դաշինքի շտաբների ներկայացուցիչների հետ հանդիպման ժամանակ նշեց ՀՀ երկրորդ նախագահ, «Հայաստան» դաշինքը գլխավորող Ռոբերտ Քոչարյանը:
«Որեւէ պաշտոնյա, որեւէ արտոնություն չպետք է ունենա: Մենք ունեցել ենք տարբեր վարչապետներ: Օրինակ, Անդրանիկ Մարգարյանը մեկ օր այդ ամառանոցում չի մնացել: Ես այնտեղ ապրում էի, որովհետեւ տուն չունեի Երեւանում: ԱԺ նխագահ Խոսրով Հարությունյանը մեկ օր այդ ամառանոցում չի մնացել: Սրանք ընտրվելու երկրորդ օրը չտեսի պես մտան, սկսեցին տուալետները ցույց տալ, թե քանի հատ է: 2 մլն դոլար էլ ծախսեցին վերանորոգման համար: Ինչ-որ գույնը տիկնոջը հարմար չէր:
Պաշտոնյան պետք է ապրի իր տանը, դիմացը ոստիկանությունը կարող է մի պոստ դնել ու դրանով բավարարվեն»,-ասաց նա՝ նկատելով, որ Գերմանիայի կանցլեր Անգելա Մերկելն իր տանն է ապրում:
«Ես տասը տարի նախագահ եմ եղել, իմ ընտանիքի անդամները թիկնապահ չեն ունեցել, դեռ մի բան էլ ուղեկցող մեքենա: Ես ասում էի՝ եթե ուզում ես երեխեքիդ փչացնես, լկտիացնես, թիկնապահներ դիր: Էդ երեխան պետք է շփվի իր հասակակիցների հետ, չպետք է զգա, որ ինքը յուրահատուկ է: Ընտանիքի որեւէ անդամ էդ ինքնաթիռով տեղ չեն գնացել»,-ընդգծեց Քոչարյանը:
Հայաստանում ԱՄՆ դեսպանատունը զգուշացնում է
Ֆինն Գերագուսյանը նշեց իր նորամուտը Հայաստանի հավաքականի կազմում
Իսպանիայում բացվել է «Հոգևոր քարտեզի արահետներով․ հայկական ձեռագրական արվեստը» ցուցահանդեսը
ԵՄ-ն սցենարներ է դիտարկում Օրբանի հավանական հաղթանակի դեպքում
Տիբո Կուրտուայի վնասվածքն ավելի լուրջ է, քան կանխատեսվում էր
Բացահայտվել են ընտրակաշառքի տրամադրման, ստացման և ընտրական շրջանում բարեգործության արգելքի խախտման դ...
ԱՄՆ-ն հարվածել է խոշոր զինամթերքի պահեստի
Երևանում Թիկնիզյանի խաղին հետևել է Սպարտակի ներկայացուցիչը
«Վարչաբենդի» համերգը տեղի կունենա ապրիլի 4-ին՝ ժամը 20.00-ին
«Ալիսան՝ ընդդեմ կախվածության»․ միջոցառում անվտանգ և ապահով կրթության տարվա շրջանակում