Առաջիկա ժամանակներում ճգնաժամ, սննակացում, այդ խոսքերը դառնալու են շատ հաճախ օգտագործվող. Վանեցյան
Պետք է օր առաջ վերականգնվի անվտանգային համակարգը եւ մեր ժողովրդին, հայրենակիցներին տրվի երկարաժամկետ անվտանգային միջավայրի երաշխիքներ, բայց անվտանգային միջավայրը վերականգնելու համար մենք բոլորս հասկանում ենք, որ պետք է ունենանք զարգացած տնտեսություն, մրցակցային տնտեսություն, որպեսզի այն ֆինանսները, որոնք կգեներացվեն տնտեսության աշխատանքի արդյունքում դրանց մի մասը կօգտագործենք նաեւ անվտանգային միջավայրի վերազինման համար: Այս մասին, այսօր՝ մայիսի 25-ին, Պատիվ ունեմ» դաշինքի տնտեսական կոնֆերանսի ժամանակ նշեց «Հայրենիք» կուսակցության նախագահ, դաշինքի վարչապետի թեկնածու Արթուր Վանեցյանը:
Նա հիշեցրեց, որ գործող իշխանությունները հեղափոխությունից հետո խոստումներ էին տալիս աշխատավարձի եւ թոշակների բարձրացման վերաբերյալ եւ խոստանում էին տնտեսական աճ, բայց փաստացի առկա է լիովին այլ կարգավիճակ: Նաեւ անդրադարձ կատարեց արտաքին տնտեսական պարտքին:
«Մեր արտաքին պարտքն ավելացավ մեկ մլրդ դոլարով եւ այդ գումարները ծախասվեցին բացառապես անարդյունավետ: Այդ մեկ մլրդ դոլարը այս իշխանություններն օգտագործեցին թոշակ ու աշխատավարձ բաժանելու համար: Մենք այսօր ունենք 1 միլիարդ դոլարիով ավելացված արտաքին պարտք, որը չի օգտագործվել որեւէ հավելյալ արժեք ստեղծելու համար եւ այդ պարտքը այս իշխանությունները թողելու են հաջորդ իշխանությունների ուսերին, մեր սերունդների ուսերին: Այսինքն այսօրվա գումարները, որոնք նրանք վերցվել են պարտքի տեսքով, որ այսօրվա հարցերը լուծեն, այս գումարների վերադարձը մնալու է մեր սերունդների ուսերին եւ այդ ծանր բեռը նրանք են կրելու»,- նշեց նա:
Վանեցյանը նաեւ ամփոփեց 2020 թվականի պաշտոնական տնտեսական տվյալները եւ ընդգծեց, որ Հայաստանի Հանրապետությունը այսօր տնտեսական ճգնաժամի առաջ է կանգնած:
«2020 թվականի արդյունքներով եւ պաշտոնական տվյալներով ունենք 7%-ից ավելի ՀՆԱ-ի անկում, ունենք դրամի արժեզրկում, գրեթե չունենք ներդրումներ եւ այս ամենը հաշվի առնելով՝ կարող ենք փաստել, որ Հայաստանի Հանրապետությունում այսօր տնտեսությունը կանգնած է ճգնաժամի առջեւ: Առաջիկա ժամանակներում ճգնաժամ, սննակացում, այդ խոսքերը դառնալու են շատ հաճախ օգտագործվող»,- ընդգծեց Արթուր Վանեցյանը:
Ալյասկայում Ուկրաինայի վերաբերյալ համաձայնություն չի եղել. Ռուբիո
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Նպատակը՝ տրանսֆերային արժեքը հնարավորինս նվազեցնելն է
ՀՀ վարչապետ Նիկոլ Փաշինյանի ճեպազրույցը ուղիղ
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Կուսակիցները փակ հանդիպմանը կոշտ քննադատության են ենթարկել Թրամփին
Փարիզում քննարկվել են Հայաստանի և ՅՈՒՆԵՍԿՕ-ի մշակութային համագործակցության հեռանկարները