Արեւելյան Երուսաղեմում իսրայելական ոստիկանության հետ բախումների արդյունքում հարյուրավոր պաղեստինցիներ են տուժել
Արեւելյան Երուսաղեմում իսրայելական ոստիկանության հետ բախումների արդյունքում հարյուրավոր պաղեստինցիներ են տուժել, 50 մարդ հոսպիտալացվել է: Այս մասին երկուշաբթի հաղորդել է Times of Israel-ը՝ վկայակոչելով Կարմիր մահիկի պաղեստինյան կազմակերպության հայտարարությունը:
Հաղորդվում է, որ բախումները սկսվել են երկուշաբթի առավոտյան: Ինչպես նշել է պաղեստինյան WAFA լրատվական գործակալությունը, ոստիկանությունը արցունքաբեր գազ է կիրառել պաղեստինցիներին մզկիթից դուրս մղելու համար եւ ռետինե փամփուշտներ է արձակել, հաղորդում է ՏԱՍՍ-ը:
Ըստ պաղեստինյան Կարմիր մահիկի՝ ոստիկանությունը դաժան վերաբերմունք է ցուցաբերել հավատացյալների նկատմամբ, ովքեր մուսուլմանական Ռամադան սուրբ ամսվա շրջանակներում գիշերն անքուն անցկացրել են մզկիթում: