Մեծ Բրիտանիայում մինչեւ 40 տարեկան անձանց կառաջարկեն այլընտրանք AstraZeneca պատվաստանյութին
Մեծ Բրիտանիայում մինչեւ 40 տարեկան անձանց կառաջարկեն այլընտրանք AstraZeneca պատվաստանյութին՝ այդ դեղամիջոցի կիրառումից հետո կողմնակի էֆեկտի՝ թրոմբոզի առաջացման ռիսկի հետ կապված մտավախությունների պատճառով, հաղորդում է «ՌԻԱ Նովոստի»-ն՝ հղում անելով «The Times»-ին:
Միեւնույն ժամանակ, պարբերականը նշում է, որ այդ դեղամիջոցի կիրառումից օգուտները նախկինի պես գերազանցում են կողմնակի էֆեկտների զարգացման ռիսկերը:
Ավելի վաղ Պատվաստումների և իմունիզացիայի հարցով միացյալ կոմիտեն (JCVI) առաջարկել է 30-39 տարեկաններին պատվաստել ամերիկյան Pfizer-ի, գերմանական BioNTech-ի կամ էլ ամերիկյան Moderna-ի պատվաստանյութերով:
Մեծ Բրիտանիայում պացիենտների թիվը, որոնց մոտ պատվաստումից հետո թրոմբ է առաջացել, հասել է 209-ի: