Մի՞թե սա դավաճանություն չէ, մի՞թե սա սրբապղծություն չէ, մի՞թե սա ընտրակաշառք չէ

Ազգային ժողովն ընդունեց կառավարության առաջարկը եւ հինգ հազարից ավելի դասալիքների ազատեց պատասխանատվությունից: Սա սովորական դավաճանություն է, սովորական անբարոյականություն է նման որոշում ընդունելը, հատկապես 44-օրյա պատերազմից հետո, որտեղ հինգ հազար երիտասարդ զոհվեց, տասը հազարից ավելին վիրավորվեցին:

Այս որոշումը եւս մեկ անգամ ցույց է տալիս, թե ով է նիկոլը եւ նրա ղեկավարած կառավարությունն ու նրա խմբակցությունը: Այս որոշումը եւս մեկ անգամ ցույց տվեց, թե իրենից ինչ է ներկայացնում նիկոլը, նրա կառավարոեւթյունն ու նրա խորհրդարանական խմբակցությունը:

Դժվար է նկարագրել այն, թե ինչ են զգում զոհված տեղերքի ծնողները, գերիների ծնողներն ու հարազատները, վիրավոր տղաների ընտանիքի անդամները եւ հենց իրենք՝ վիրավորված եւ հաշմանդամություն ստացած տղաները: Դժվար է ասել, թե ինչ են զգում եւ ասում այս կառավարությանը պատերազմի մասնակից տղերքը, որոնց աչքի առաջ զոհվել են իրենց հերոս ընկերները:

Նման հակապետական, հակաազգային, հակապետական որոշումը դավաճանություն է ու շատ ակնհայտ ընտրակաշառք է հինգ հազար դասալիքների ընտանիքներին, ինչը պետք է արժանանա բոլոր քաղաքական ուժերի, ինչպես նաեւ Կենտրոնական ընտրական հանձնաժողովի ուշադրությանը:

Եւ բացի այդ, այս որոշումը սովորական սրբապղծություն է, եթե սրբապղծությունը կարող է լինել սովորական:

Դատապարտում ենք այս որոշումը եւ պնդում, որ հաջորդ կառավարությունը, հաջորդ իշխանությունն այն չեղարկի, ճանաչի առ ոչինչ:

«Ճշմարտություն սերունդների համար»