Ֆրանսիան հայտարարել է Լոնդոնի կողմից առեւտրային համաձայնագիրը խախտելու դեպքում պատժամիջոցների մասին
Ֆրանսիան հայտարարել է Brexit-ից հետո Լոնդոնի կողմից առեւտրային համաձայնագիրը խախտելու դեպքում պատժամիջոցների մասին: Այս մասին հայտարարել է Ֆրանսիայի ԱԳՆ կից պետքարտուղար Քլեման Բոնը, հաղորդում է ՏԱՍՍ-ը:
«Կա իրավաբանական գործընթաց, որը կարող է հանգեցնել պատժամիջոցների»,-ասել է Բոնը:
Նա նշել է, որ պատժամիջոցները կարող են ընդունվել այլ սեկտորներում:
2020 թվականի դեկտեմբերի վերջին Եվրամիությունն ու Մեծ Բրիտանիան կարողացել են պայմանավորվել միության կազմից ՄԲ-ի դուրսբերման գործընթացի ավարտից հետո երկկողմ հարաբերությունների շուրջ: Կողմերը փոխզիջման են հասել մի շարք առանցքային հարցերի շուրջ՝ ազատ առեւտուր, ձկնորսություն, շուկաների եւ մրցակցության կարգավորման նորմեր, ԵՄ եւ ՄԲ-ի քաղաքացիների հասանելիություն միմյանց սոցիալական համակարգների նկատմամբ: