Apple-ին դատի կտան խորտակված iPhone-ների համար
Apple-ի դեմ դասական հայց է ներկայացվել՝ ընկերության կողմից երաշխիքային պարտավորությունների չկատարման համար, հայտնում է «Լենտա»-ն՝ վկայակոչելով Appleinsider-ը:
Դատական հայցը ներկայացվել էր ԱՄՆ Նյու Յորքի Հարավային շրջանի դատարան շաբաթ օրը՝ ապրիլի 24-ին: Դրանում ասվում է, որ գովազդում ընկերությունը սխալ տեղեկություններ է տրամադրում իր սմարթֆոնների խոնավության պաշտպանության աստիճանի վերաբերյալ եւ հրաժարվում է երաշխիքային պարտավորությունների կատարումից: «Անտուանետ Սմիթի եւ մյուս հայցվորների» անունով ստորագրված 13 էջանոց բողոքում նշվում են դատավարության պատճառները:
Մասնավորապես, հայցադիմումի փաստաթղթում նշվում է, որ Apple-ն իր iPhone-ներն ակտիվորեն որպես անջրանցիկ սարքեր է գովազդում: Ընդ որում, գովազդի եւ օգտագործողի պայմանագրում կորպորացիայի փաստաբանները մանր շրիֆտ են օգտագործում եւ «ոչ բավարար կերպով» են թվարկում այն դեպքերը, որոնց վրա երաշխիքը չի տարածվում: Օրինակ, Apple-ի սպասարկման կենտրոնները հրաժարվում են վերականգնել խորտակված սարքերը, որոնք շփվել են քլոր կամ աղ պարունակող ջրի հետ:
Բացի այդ, փաստաբաններն ուշադրություն են հրավիրում այն փաստի վրա, որ սպասարկման կենտրոնի մասնագետներն առաջնորդվում են iPhone-ում տեղադրված խոնավության ցուցիչներով, որոնք հեղուկների հետ շփվելիս կարմիր են դառնում: Սակայն մասնագետները կարծում են, որ դրանք տեղադրված են այնպես, որ փոխում են իրենց գույնը նույնիսկ գաջեթի վրա ջրի, սուրճի կամ հյութի աննշան ընկնումից: Ընդ որում, ցուցիչի գունավորումը սմարթֆոնն անվճար վերանորոգելուց հրաժարվելու պատճառ է:
Փաստաթղթում ասվում է, որ կոնկրետ հայցվոր Անտուանետ Սմիթին դեպքում Apple-ը հրաժարվել է վերանորոգել iPhone-ը սմարթֆոնի վրա առկա խոնավության պատճառով: Արդյունքում, վերանորոգման համար նա ստիպված էր վճարել իր սեփական միջոցներից: Պնդվում է, որ դատավարության կողմերը չէին օգտվի Apple-ի տեխնոլոգիայից, եթե ընկերությունն իր գովազդով չմոլորեցներ նրանց: