Հաքերները կոտրել են բելառուսական ԱԷԿ-ի կայքն ու տեղադրել հաղորդագրություն հնարավոր վթարի մասին
Կիրակի Բելառուսի էներգետիկայի նախարարությունը հայտնել է, որ Բելառուսական ատոմային էլեկտրակայանի կայքը կոտրել են հաքերները, որոնք տեղադրել են հաղորդագրություն, որ կայանում կարող է վթար տեղի ունենալ:
Բելառուսի էներգետիկայի նախարարությունն իր պաշտոնական տելեգրամյան ալիքում տեղադրել է հայտարարություն, որում նշվում է. «Այսօր ԲելԱԷԿ կայքը կոտրել են անհայտ անձինք, որոնք ինքնությունն այժմ պարզում են մասնագետները: Հաղորդագրության միջոցով հրապարակված տեղեկատվությունը ֆեյք է: Ներկայում կայքը վերականգնվում է եւ ինչ-որ ժամանակ անց այն կրկին հասանելի կդառնա»: