Սոմալիի ԶՈՒ ապստամբող զորամասերը ներխուժել են երկրի մայրաքաղաքի հյուսիսային շրջաններ
Կիրակի Սոմալիի Զինված ուժերի ապստամբող զորամասերը ներխուժել են երկրի մայրաքաղաք Մոգադիշոյի հյուսիսային շրջաններ դրանք իրենց հսկողության տակ առնելու նպատակով, գրում է ՏԱՍՍ-ը:
Ներկայում ընդդիմության հետ կապված զորքերը գտնվում են Քարան, Յաքշիդ եւ Հելիվա շրջաններում: Մոգադիշոյում չեն բացառում, որ առաջիկա ժամերին նրանք կսկսեն շարժվել դեպքի քաղաքի խորքը՝ նախագահական պալատի ուղղությամբ: Մայրաքաղաք ներխուժած ապստամբները շարժվել են շարասյամբ, որում հաշվարկվել է բանակային տեխնիկայի մի քանի տասնյակ միավոր:
Միեւնույն ժամանակ ստացվել է տեղեկատվություն, որ Մոգադիշոյի հյուսիսում սկսվել է հրաձգություն ապստամբների եւ զորամասերի միջեւ, որոնք պահպանում են հավատարմությունը երկրի նախագահ Մոհամեդ Աբդուլախի Մոդամեդին:
Միաժամանակ մայրաքաղաքի փողոցներ են դուրս եկել ցուցարարները, որոնք նույնպես պահանջում են նախագահի հրաժարականը: Նրանք փակում են քաղաքի հյուսիսային շրջաններում փողոցներն ու այրում անվադողերը: