Ֆրանսիայի ԱԳՆ պետքարտուղար. Հուսով եմ` ՅՈՒՆԵՍԿՕ-ն կկարողանա առաքելություն ուղարկել Լեռնային Ղարաբաղ
Ֆրանսիան հույս ունի, որ ՅՈՒՆԵՍԿՕ-ն ի վերջո կկարողանա առաքելություն ուղարկել Լեռնային Ղարաբաղ: Այս մասին ապրիլի 24-ին Երեւանում կայացած մամուլի ասուլիսին ասաց Ֆրանսիայի արտգործնախարար Ժան-Բապտիստ Լեմուանը՝ պատասխանելով Ղարաբաղի՝ Ադրբեջանի կողմից վերահսկվող տարածքներում հայկական մշակութային եւ կրոնական ժառանգության ոչնչացման մասին հարցին:
Նա հիշեցրեց, որ ֆրանսիական կողմն իր կարծիքն արդեն հայտնել է ՅՈՒՆԵՍԿՕ-ում: Նա կոնկրետ քայլեր է ձեռնարկել: Հայաստան է այցելել մշակութային ժառանգության պահպանման փորձագետ Շառլ Պերսոնան: Մի քանի օր առաջ տեսակոնֆերանս էր կազմակերպվել ֆրանսիացի, ռուս, հայ եւ ադրբեջանցի փորձագետների մասնակցությամբ: