Ութ մարդ է զոհվել այն բանից հետո, երբ Հնդկաստանի Ուտարակհանդ նահանգում սառցադաշտը ձնահոսք է հրահրել
Առնվազն ութ մարդ է զոհվել այն բանից հետո, երբ Հնդկաստանի Ուտարակհանդ նահանգում սառցադաշտը ձնահոսք է հրահրել: 384-ին հաջողվել է փրկվել, հայտնում է Reuters-ը:
«Հայտնաբերվել է ութ դիակ: Փրկարար գործողությունները շարունակվում են»,- ասել է պաշտպանության նախարարության ներկայացուցիչը` հավելելով, որ փրկվածներից վեցը ծայրահեղ ծանր վիճակում են գտնվում:
Պաշտոնյայի խոսքով՝ ուրբաթ երեկոյան Ուտարակհանդում գտնվող Չամոլիի շրջանում ձնահոսքից հետո բազմաթիվ սողանքների պատճառով ճանապարհը արգելափակվել է 4-5 տեղերում:
Հաղորդակցությունները վերականգնելու ջանքեր են գործադրվում, քանի որ ձյան առատ տեղումների պատճառով ճանապարհները փակ են, Twitter-ում հայտնել է Տիրատ նահանգի գլխավոր նախարար Սինգհ Ռավատը:
Փետրվարին նահանգում սառցադաշտի փլուզումը եւ սողանքները հանգեցրել էին ջրհեղեղի, որի զոհ էր դարձել ավելի քան 200 մարդ: