Չեխիան կարող է թույլ չտալ Ռուսաստանին մասնակցել ԱԷԿ-ի կառուցման մրցույթին
Ռուսական հատուկ ծառայություններին վերագրվող ներգրավվածությունը 2014 թվականին Վրբեթիցե գյուղում ռազմամթերքի պահեստում պայթյունին կարող է բացասաբար անդրադառնալ «Դուկովանի» ԱԷԿ-ի նոր էներգաբլոկի կառուցման մրցույթում ռուսական ընկերությունների մասնակցութան վրա: Այդ մասին հայտարարել է երկրի փոխվարչապետ Քարել Գավլիչեկը, գրում է ՏԱՍՍ-ը:
Նրա խոսքով՝ եթե պայթյուններում ռուսական հատուկ ծառայությունների ներգրավվածությունը հաստատվի, դա կարող է ազդել մրցույթի վրա: «Այդպիսի ցանկացած գործողություն, եթե հաստատվի, հետեւանքներ կունենա»,-նշել է նա:
Գավլիչեկը հիշեցրել է, որ մրցույթին մասնակցող օտարերկրյա ընկերությունների մասին որոշումը Չեխիայի կառավարությունը կկայացնի տեղեկատվության հիման վրա, որը նախապատրաստվել է հատուկ ծառայությունների կողմից: Երկրի հակահետախուզությունն ու հետախուզությունն արդեն տեւական ժամանակ պնդում են մրցույթից ռուսական ընկերություններին հեռացնելու մասին, որոնք, ինչպես հաղորդվում է, կարող են պոտենցիալ սպառնալիք ներկայացնել Չեխիայի ազգային անվտանգությանը:
Հիշեցնենք, որ նախօրեին Չեխիան հայտարարել էր 18 ռուս դիվանագետներին վտարելու մասին, որոնք կասկածվում են Ռուսաստանի հատուկ ծառայությունների հետ համագործակցության մեջ:
Դեռ ավելին, նախօրեին հայտնի էր դարձել, որ Չեխիայի կառավարությունը երկուշաբթի կքննարկի հիբրիդային սպառնալիքներին հակազդելու մասին ազգային ռազմավարությունը, որը նախատեսում է հանրապետության կախվածության նվազում «այլ գաղափարական արժեքային ուղղվածություն ունեցող» երկրներից:
Ազգային ռազմավարությունը սահմանում է հանրապետության վրա հիբրիդային բացասական ազդեցությունը՝ որպես պետությունների եւ ոչ պետական սուբյեկտների թաքնված եւ ակնհայտ գործունեություններ՝ ուղղված երկրի եւ չեխ հասարակության ժողովրդական կարգի դեմ: «Իրենց նպատակներին հասնելու համար նրանք օգտագործում են տարբեր միջոցներ՝ քաղաքական, ռազմական եւ լրտեսություն, տնտեսական եւ տեղեկատվական ազդեցություն: Ընդ որում՝ այդ միջոցներից մի քանիսը կարող են օրինական լինել»,-նշված է փաստաթղթում:
Այդ երկրները եւ դրանց շահերը կյանքի կոչող ոչ պետական սուբյեկտները, ինչպես պարզ է դառնում փաստաթղթից, կարող են օգտագործել Չեխիայի կախվածությունն ԱԷԿ-ում նավթի, գազի կամ միջուկային վառելիքի մատակարարումից: Էներգետիկ հումքի այդ տեսակների հիմնական մատակարարն է Ռուսաստանը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
ԱՄՆ-ի գործողությունները Հորմուզի նեղուցում փակուղի են. Արաղչի
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Ոչնչացվել է Nestle ընկերության NAN ապրանքանիշի մանկական սննդի որոշ խմբաքանակ. ՍԱՏՄ
Կասեցվել է Արդենիս գյուղում գործող կաթնամթերքի արտադրամասի գործունեությունը․ ՍԱՏՄ
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...