Սիրո, դավաճանության, հույսի ու հավատի մասին. կայացավ Մհեր Մկրտչյանի «Իշխանություն» ֆիլմի պրեմիերան (տեսանյութ)
Այսօր՝ ապրիլի 16-ին, մեծ էկրան բարձրացավ վերջին շրջանի ամենաքննարկված ֆիլմը՝ ռեժիսոր Մհեր Մկրտչյանի «Իշխանությունը»: Ֆիլմի պրեմիերան սկսվեց մեկ րոպե լռությամբ՝ պատերազմի անմահ հերոսների հիշատակի համար:
«Իշխանություն»-ը ֆիլմ առերեսում է հայ ժողովրդի վերջին երեք տարիների իրականության հետ: Ֆիլմ, որտեղ ռեժիսորն ու նկարահանող թիմը ներկայացրել են Հայաստանում տեղի ունեցած իրադարձությունները՝ 2018 թվականի ապրիլից մինչեւ 44-օրյա պատերազմ...
Ֆիլմը մեզ բոլորիս եւ յուրաքանչյուրիս առերեսում է վերջին տարիների մեր իսկ ստեղծած իրականության հետ, ստիպում մտածել եւ վերլուծել այն պատմական իրադարձությունները, որոնք ճակատագրական եղան մեր երկրի համար եւ իրագործվեցին բոլորիս ակտիվ մասնակցության, անտարբերության կամ լռության պայմաններում:
Երկրի համար կարեւոր եւ ճակատագրական դրվագներին կինեմատոգրաֆիան սովորաբար անդրադառնում է տասնամյակներ անց, մինչդեռ ռեժիսոր Մհեր Մկրտչյանն «Իշխանություն»-ը ֆիլմով համարձակ քայլ է անում՝ հիշեցնելով ոչ վաղ անցյալում մեր կատարած ընտրությունը եւ որպես դրա հետեւանք` մեր ներկան ու մշուշոտ ապագան:
«Իշխանություն»-ը ֆիլմ է ժողովրդի՝ ապագայի հանդեպ ունեցած հույսն օգտագործելով բաղձալի իշխանության հասածների, ժողովրդի հավատի ու վստահության հաշվին իշխանություն պահողների, իսկ հիմա մարդկանց հիասթափության, կորստի ցավից բթացած անտարբերության հաշվին բաղձալի պաշտոնից ու աթոռից կառչածների մասին է:
Սա ֆիլմ է, որի դիտումից մնում է դառնության զգացողություն՝ ժողովրդի հույսի ու հավատի պարտվածությունից...
Պրեմիերային ընդառաջ՝ ռեժիսորն ու դերասանական կազմը կիսվել են իրենց սպասումներով ու էմոցիաներով. մանրամասները՝ NEWS.am STYLE-ի ռեպորտաժում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները