Պուտինն ու Լուկաշենկոն հեռախոսազրույցում անդրադարձել են Լեռնային Ղարաբաղի թեմային
Հինգշաբթի ՌԴ եւ Բելառուսի նախագահներ Վլադիմիր Պուտինի եւ Ալեքսանդր Լուկաշենկոյի հեռախոսազրույցում, ի թիվս այլ հարցերի, անդրադարձ է եղել նաեւ Լեռնային Ղարաբաղի թեմային: Այս մասին ղեկավարների զրույցի արդյունքներով հաղորդում է Կրեմլի մամուլի ծառայությունը:
«Ալեքսանդր Լուկաշենկոյի հենց նոր Ադրբեջան կատարած այցի համատեքստում արծարծվել է Լեռնային Ղարաբաղի կարգավորման հարցը»,- ասված է հաղորդագրության մեջ։
Պուտինն ու Լուկաշենկոն հայտնել են ռուս-բելառուսական դաշնակցային հարաբերությունների հետագա համակողմանի ամրապնդման իրենց տրամադրվածության մասին: