Պատրուշեւը մեկնաբանել է ՆԱՏՕ-ի ակտիվության աճը Սեւ ծովում

Ռուսաստանը Սեւ ծովում իր սահմանների մոտ ԱՄՆ-ի եւ ՆԱՏՕ-ի աճող ակտիվության պայմաններում ստիպված է միջոցներ ձեռնարկել սեփական անվտանգությունն ապահովման համար, սակայն շահագրգռված է իրավիճակի քաղաքական կարգավորմամբ, ասել է ՌԴ Անվտանգության խորհրդի քարտուղար Նիկոլայ Պատրուշեւը, փոխանցում է «ՌԻԱ Նովոստի»-ն:

«Սեւծովյան տարածաշրջանում Ռուսաստանի սահմանների անմիջական հարեւանությամբ աճում է ՆԱՏՕ-ի բլոկի եւ հատկապես Միացյալ Նահանգների ռազմական ակտիվությունը»,- ասել է Պատրուշեւը՝ ելույթ ունենալով չորեքշաբթի Սեւաստոպոլում ազգային անվտանգության ապահովման հարցերով հանդիպմանը:

«Հարցն այն է, թե որտե՞ղ է ԱՄՆ-ն եւ որտե՞ղ է Սեւ ծովը: Եվ ի՞նչ ազգային շահեր են հետապնդում նրանք այստեղ, եթե շատ ամերիկացիներ պատկերացում չունեն, թե որտեղ է այդ ծովը»,- հավելել է Անվտանգության խորհրդի քարտուղարը:
Այս պայմաններում, շեշտել է Պատրուշեւը, Ռուսաստանը «ստիպված է միջոցներ ձեռնարկել իր տարածքի անվտանգությունն ապահովելու համար», սակայն, միեւնույն ժամանակ «շահագրգռված է բանակցություններ վարել իրավիճակի քաղաքական կարգավորման շուրջ»:

«Սակայն Միացյալ Նահանգները, Բրիտանիան եւ մի շարք այլ երկրներ մեղադրում են Ռուսաստանին իրենց տարածքով զորք տեղափոխելու մեջ, իրականում անտեսելով մեր սեփական ինքնիշխանության ապահովման մեր ինքնիշխան իրավունքը»,- ասել է նա: