«Ֆրեյդի մեթոդ» սերիալի աստղն առաջին անգամ պատմել է կրտսեր որդու մահվան մասին

«Ֆրեյդի մեթոդ» սերիալի աստղ, ռուս դերասանուհի Նատալյա Անտոնովան առաջին անգամ պատմել է կրտսեր որդու մահվаն մասին։ Արտիտսը հիշողություններով կիսվել է «Ռոսիա 1» հեռուստաալիքի եթերում «Մարդու ճակատագիրը» հաղորդման ժամանակ։ Թողարկումը հասանելի է YouTube-ում։

Անտոնովայի խոսքով՝ երեխան լույս աշխարհ է եկել 2018թ․-ի աշնանը՝ սահմանված ժամկետից շուտ։ Գրեթե անմիջապես նորածինը հայտնվել է մանկական վերակենդանացման բաժանմունքում։ Բժիշկները երկու ամիս պայքարել են նրա կյանքի համար, երկու վիրահատություն է կատարվել, սակայն հնարավոր չի եղել խուսափել ողբերգությունից։ Դերասանուհու որդին մահացել է։

«Բժիշկներն ինձ ասում էին, որ ողջ մնալու հավանականությունը 50-50 է»,- ասել է Անտոնովան՝ հիշելով կորստի մասին։

47-ամյա Անտոնովան շնորհակալություն է հայտնել բժիշկներին,որոնք պայքարել են երեխայի կյանքի համար։ Նա նշել է, որ նորածին որդին պետք է մանկաբուժական բաժանմունք տեղափոխվեր, սակայն կարճ ժամանակ անց բժիշկները սրտի կանգ են արձանագրել։