Լուկաշենկո. ԼՂ հարցով պայմանավորվածությունները պետք է տարածաշրջանում ամուր խաղաղության համար հիմք դառնան
Բելառուսն անկեղծորեն ողջունում է ԼՂ հակամարտության գոտում ռազմական գործողությունների դադարեցման մասին պայմանավորվածությունները: Այս մասին հայտարարել է Բելառուսի նախագահ Ալեքսանդր Լուկաշենկոն Ադրբեջանի նախագահ Իլհամ Ալիեւի հետ բանակցություններից հետո, հաղորդում է «Բելթա»-ն:
«Դա կարեւոր քաղաքական որոշում է, որը պետք է հիմք դառնա տարածաշրջանում ամուր խաղաղության համար: Ցանկանում եմ շնորհավորել Ադրբեջանի եւ Հայաստանի ժողովուրդներին 30 տարի տեւած այդ սարսափելի ողբերգության ավարտի կապակցությամբ»,-ասել է Լուկաշենկոն: