Samsung Galaxy S21 FE դիզայնը լիովին բացահայտվել է մինչ պրեմիերան
Նոր սերնդի թեթեւացված ֆլագմանային S21 FE սմարթֆոնի տեսքը հայտնվել է համացանցում մինչ դրա թողարկումը: Սարքի բարձրորակ ռենդերները հրապարակել է @OnLeaks ինսայդերը, փոխանցում է «ՌԻԱ Նովոստի»-ն:
Արտաքինից Galaxy S21 FE-ն շատ նման է Galaxy S21-ին. սմարթֆոնը հարթ էկրան կունենա՝ ներկառուցված դիմային տեսախցիկով: Մատրիցայի անկյունագիծը 6.4 դյույմ կլինի, իսկ տեսախցիկի բլոկը բաղկացած կլինի երեք սենսորներից, որոնց բնութագրերը չեն բացահայտվում:
Կախված երկրից՝ սմարթֆոնը կհամալրվի 5G Exynos 2100 կամ Snapdragon 888 պրոցեսորներով: Առավելագույն պահեստային հզորությունը կլինի 256 ԳԲ: Samsung Galaxy S21 FE-ն առաքվելու է Android 11 օպերացիոն համակարգով եւ One UI 3.1 ֆիրմային պատյանով:
Նոր սերնդի Fan Edition-ի շնորհանդեսը տեղի կունենա 2021-ի երրորդ եռամսյակում: Ակնկալվում է, որ սմարթֆոնի մեկնարկային գինը 700 դոլար կլինի: