Նիկոլ Փաշինյանի անձնական օգտագործման դատախազությունը պատրաստվում է մահացու հարված հասցնել Հայաստանի տնտեսությանը (տեսանյութ)
Ո՞ւմ և ինչո՞ւ է ձեռնտու «ապօրինի կապիտալի դուրսբերումը Հայաստանի տնտեսությունից»: Բառացի՝ «արդարության վերականգնման» շղարշի ներքո, իսկ իրականում՝ Նիկոլ Փաշինյանի անձնական օգտագործման դատախազությունը պատրաստվում է մահացու հարված հասցնել Հայաստանի տնտեսությանը:
Խոսքն ապօրինի ծագում ունեցող գույքի բռնագանձման օրենքի մասին է: Ձեռք դնենք խղճներիս ու խոստովանենք, որ Հայաստանում գրեթե ողջ կապիտալն է ձեռք բերվել օրենքի այս կամ այն չափի խախտումով: Այսինքն՝ եթե այս օրենքը կիրառվի անաչառ՝ ողջ մասնավոր կապիտալը պետք է բռնագանձվի: Ակնհայտ է, որ նման օրենքի թեկուզ «ընտրովի» կիրառումը, ինչում ես վստահ եմ, էլ ավելի կվատթարացնի ներդրումային միջավայրը: Օտարերկրյա պոտենցիալ ներդրողին դժվար է հիմնավորել պետության կողմից այս կամ այն անձից բիզնես կամ գույք խլելը, երբ ըստ դրա հիմքում ընկած օրենքի՝ ոչ թե պետությունն է ապացուցում դրա ապօրինի ծագումը, այլ գործարարն ինքն է ապացուցում դրա ապօրինի չլինելու փաստը: Իսկ Հայաստանում արդեն իսկ գործող բիզնեսի տերերը մտածելու են «շառից հեռու»՝ արագ հանել կապիտալը Հայաստանից, քանի հերթը չի հասել նրանց: Արդյունքում՝ մի կողմից պետությունն ունենալու է ոչ լիկվիդային ակտիվներ՝ գույք և ձեռնարկություններ, որոնք ոչ ոք չի գնելու, մյուս կողմից էլ՝ կանգ է առնելու տնտեսությունը:
Եվ հենց այդ պահին՝ Արարատի հակառակ կողմից, թշնամին մեզ կնետի թուրքական «ներդրումային փրկօղակը»: Երբ կապիտուլյանտը վերջնականապես տապալի Հայաստանի տնտեսությունը՝ միայն Թուրքիան է մնալու, որն անկախ տնտեսական նպատակահարմարությունից՝ բառի բուն իմաստով, մեծածախ գնով կգնի Հայաստանը, ու դա մեզ կհրամցվի հարևանների հետ «բարեկամական հարաբերություններ» հաստատելու, «արդարության վերականգնման» կամ, ինչպես կապիտուլյացիայի ժամանակ՝ այլ ելք չունենալու և մնացյալը փրկելու հրամայականով: Իսկ այդ ժամանակ սեփական տունն ինքնաթիռի տոմսի հետ փոխելը հայաստանցիների համար կդառնա ապրելու երաշխիք:
Հ.Գ. Չգիտեմ, դավաճանը սրա համար Էրդողանից առանձին գումար ստացել է, թե ոչ, բայց որ Հայաստանը Թուրքիային հանձնելով է ուզում իշխանությունը պահել՝ ակնհայտ է:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները