ՄԱԿ-ում ապացույցներ է պահանջում, որ ԱՄԷ-ի ղեկավարի դուստրը ողջ է
ՄԱԿ-ի մարդու իրավունքների գրասենյակն Արաբական Միացյալ Էմիրություններից ապացույցներ է պահանջել, որ Դուբայի ղեկավարի դուստրերից Լատիֆան «ողջ է», բայց չի ստացել այն: Այս մասին հայտարարել է ՄԱԿ-ի մարդու իրավունքների գրասենյակի մամուլի քարտուղար Մարթա Ուրթադոն:
«Մենք նրա կյանքի ոչ մի ապացույց չունենք, եւ կցանկանայինք հստակ համոզիչ ապացույց ունենալ, որ նա ողջ է: Իհարկե, մեր առաջին խնդիրն է համոզվել, որ նա դեռ ողջ է»,- ասել է նա:
ՄԱԿ-ի բարձրաստիճան պաշտոնյաները հանդիպում են պահանջել Ժնեւում ԱՄԷ-ի դեսպանի հետ Լատիֆայի վերաբերյալ, ինչը գրեթե համաձայնեցված էր, ասել է նա՝ հավելելով, որ իրենք նաեւ նախատեսում էին բարձրացնել նրա ավագ քրոջ՝ Շամսեի հարցը:
Մեկ ամիս առաջ արքայադուստրը տեսաուղերձում հայտարարել էր, որ իրեն բռնի կերպով պահում են հսկվող վիլլայում: ԱՄԷ-ի իշխանությունները հայտնել են, որ Լատիֆային խնամում են ընտանիքը եւ բուժաշխատողները: