Էդինբուրգի դուքսը վաստակել է սերունդների սերը. Բորիս Ջոնսոն
Մեծ Բրիտանիայի վարչապետ Բորիս Ջոնսոնը հայտարարել է, որ «մեծ ցավով» է ստացել արքայազն Ֆիլիպի մահվան լուրը, փոխանցում է BBC-ն:
Հարգանքի տուրք մատուցելով՝ նա ասել է, որ Էինբուրդի դուքսը Մեծ Բրիտանիայում, համագործակցության երկրներում եւ ամբողջ աշխարհում վաստակել է սերունդների սերը: «Նա պատմության մեջ ամենաերկարժամկետ արքայազն-կոնսորտն է, այս երկրում վերջին ողջ մնացած մարդկանցից մեկը, որը մասնակցել է Երկրորդ համաշխարհային պատերազմին»:
Արքայազն Ֆիլիպը արքայադուստր Եղիսաբեթի հետ ամուսնացել է 1947 թվականին, նրա թագուհի դառնալուց 5 տարի առաջ: Նա բոլորից երկար է արքայազն-կոնսորտ եղել Միացյալ թագավորության պատմության մեջ: Ամուսինները 4 երեխա ունեն, 8 թոռ եւ 10 ծոռ: