Կորեական թերակղզու ապառազմականացման հարցում Հարավային Կորեան հույսը Ռուսաստանի օգնության վրա է դնում
ԿԺԴՀ-ի կողմից իրականացված մի շարք հրթիռների արձակումից հետո Կորեայի Հանրապետության պաշտպանության նախարարի առաջին տեղակալ Պակ ՉԺե Մինը ՌԴ պաշտպանության նախարարի տեղակալ, գեներալ-գնդապետ Ալեքսանդր Ֆոմինի հետ հանդիպմանը Կրեմլից օգնություն է խնդրել թերակղզու ապառազմականացման հարցում, հայտնում է «ՌԻԱ Նովոստին»:
«Կորեայի Հանրապետության պաշտպանության նախարարի առաջին տեղակալ Պակ ՉԺե Մինը խորը մտահոգություն է հայտնել այն կապակցությամբ, որ վերջերս, չնայած Կորեական թերակղզում խաղաղություն հաստատելու Հարավային Կորեայի կառավարության ջանքերին, Հյուսիսային Կորեան կարճ հեռահարության բալիստիկ հրթիռներ է արձակել:
Նա խնդրել է Ռուսաստանի օգնությունն ու ակտիվ աջակցությունը Կորեական թերակղզում կայուն խաղաղության հաստատման եւ ապառազմականացման գործում»,- հայտարարել է Կորեայի Հանրապետության պաշտպանության նախարարությունը: Հարավային Կորեայի ՊՆ-ն ընդգծել է, որ կողմերը մանրամասն չեն քննարկել ԿԺԴՀ-ի հրթիռների արձակումը եւ միայն հաստատել են երկու երկրների պաշտոնական դիրքորոշումը: Հիշեցնենք, որ ԿԺԴՀ-ն վերջերս հրթիռների երկու փորձարկում է իրականացրել՝ մարտի 21-ին արձակվել է երկու թեւավոր հրթիռ, իսկ մարտի 25-ին՝ երկու բալիստիկ հրթիռ:
ՌԴ ՊՆ-ն հաղորդել է, որ բանակցությունների ընթացքում կողմերը քննարկել են տարածաշրջանային անվտանգության խնդիրները՝ շեշտը դնելով Հյուսիսարեւելյան Ասիայում եւ Կորեական թերակղզում տիրող իրավիճակի, երկկողմ համագործակցության եւ ռազմական ոլորտի վիճակի ու հեռանկարների վրա, ինչպես նաեւ ստորագրել են Պաշտպանության ոլորտում Ռուսաստանի Դաշնության կառավարության եւ Կորեայի Հանրապետության կառավարության միջեւ համագործակցության մասին համաձայնագիր:
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Վթարային ջրանջատում Երևանի Էրեբունի վարչական շրջանում
Ոչնչացվել է Nestle ընկերության NAN ապրանքանիշի մանկական սննդի որոշ խմբաքանակ. ՍԱՏՄ
Կասեցվել է Արդենիս գյուղում գործող կաթնամթերքի արտադրամասի գործունեությունը․ ՍԱՏՄ
2026 թվականի 2-րդ քննաշրջանի դրսեկության ձևով (էքստեռն) ավարտական քննություններ․ դիմումներն ընդունվո...
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
Ոստիկանները ձերբակալել են սպանության փորձի մեջ կասկածվող երեք անձի
Թրամփը հայտարարել է «Ազատություն» նախագծի գործողության կասեցման մասին