«Գահերի խաղի» հեղինակը HBO-ի հետ հինգամյա պայմանագիր է ստորագրել
«Սառույցի ու կրակի երգը» շարքի հեղինակ Ջորջ Մարտինը, որի աշխատանքներն ընկած են «Գահերի խաղւ» սերիալի հիմքում, խոշոր պայքամանագիր է ստորագրել HBO Max ծառայության հետ, հայտնում է The Hollywood Reporter-ը՝ վկայակոչելով իր աղբյուրներին։
Մարտինի պայմանագիրը ենթադրում է համագործակցություն սթրիմինգային վիդեոծառայության հետ հինգ տարվա ընթացքում։ Ընկերության համար գործարքն ութ նիշ ունեցող գումար է արժեցել։
Գրքի հեղինակն արդեն իսկ աշխատում է հինգ նախագծի վրա, որոնց գործողությունները ծավալվում են «Գահերի խաղի» տիեզերքում։ Բացի այդ՝ Մարտինը HBO-ի համար սերիալների է նկարահանում Ռոջեր Ժելյազնիի «Ճանապարհային նշաններ» եւ Ննեդի Օկորաֆորի «Ով է վախենում մահվանից» վեպերի հիման վրա։