Գիտնականները խորհուրդ են տվել Մեծ Բրիտանիայի իշխանություններին նախապատրաստվել հաջորդ համավարակին

Բրիտանիան պետք է դասեր քաղի վերջին 12 ամիսների ողբերգական իրադարձություններից եւ սկսի նախապատրաստվել հաջորդ համավարակին արդեն այսօր, նախազգուշացրել են համաշխարհային փորձագետներն եւ գիտնականները, գրում է Independent-ը:

Չնայած նրան, որ Մեծ Բրիտանիային կարծես հաջողվել է հասնել հաջողության կորոնավիրուսի դեմ պայքարում, երբ վարակի ու մահացության թիվն անկել է չորս երկրների տարածքում, փորձագետները հայտարարել են The Independent-ին, որ այժմ հանգստանալու ժամանակը չէ, եւ անհրաժեշտ է ավելի շատ ներդրումներ կատարել համազգային կենսաանվտանգության ոլորտում:

Պրոֆեսոր Սառա Գիլբերթը, որի թիմը ստեղծել է օքսֆորդյան պատվաստանյութը, հայտարարել է, որ կենսական կարեւորություն ունի լսել նախազգուշացումներին եւ նախապատրաստվել հաջորդ համավարակին, մինչդեռ կառավարության գիտական խորհրդական պրոֆեսոր Փիթեր Հորբին ասել է, որ համաշխարհային կապերի աճը մեծացնում է հետագա բռնկումների հավանականությունը:

Գիտնականների խոսքով՝ այդ պատճառով Մեծ Բրիտանիան չի կարող թույլ տալ իրեն կորցնել զգուշությունը COVID-19-ի կապակցությամբ, որը խլել է ավելի քան 126 հազար կյանք եւ հանգեցրել Մեծ Բրիտանիայի տնտեսական ճգնաժամի: