Նիկոլ Փաշինյանի վարչապետ մնալու պարագայում պատերազմն ու հերթական պարտությունն անխուսափելի են
Նիկոլ Փաշինյանի վարչապետ մնալու պարագայում պատերազմն ու հերթական պարտությունն անխուսափելի են։ Այս մասին ֆեյսբուքյան իր էջում գրել է «Պոլիտէկոնոմիա» հետազոտական ինստիտուտի ղեկավար Անդրանիկ Թևանյանը:
«Ալիևի վերջին հայտարարությունը Զանգեզուրի մասով և թուրք–ադրբեջանական զորավարժությունները հիշեցնում են 2020–ի սեպտեմբերի 27–ից առաջ ունեցած նրա ագրեսիվ ելույթները և թուրք–ադրբեջանական համանման զորավարժությունները։
Ինչպես որ ՄԱԿ–ի ելույթով Ալիևն անոնս արեց պատերազմը, այնպես էլ հիմա է անում։ Որպես առիթ ուզում են օգտագործել Սյունիքի միջանցքը բացելու հարցում նիկոլենց չեմուչումը, որը պայմանավորված է գերիներով։
Թուրքիան Ադրբեջանին կրկին դրդրում է պատերազմի՝ առաջարկելով որպես պատճառ ներկայացնել նոյոմբերի 9–ի և հունվարի 11–ի համաձայնության չկատարումը հայկական կողմից։
Նիկոլը հունվարի 11–ին Մոսկվայում պաշտպանեց ադրբեջանական շահերը՝ չկարողանալով անգամ գերիների հարցը լուծել։ Հիմա հետին թվով է ուզում կռիվ տալ ու բանակցել «Գերիների վերադարձ՝ Սյունիքի միջանցքի դիմաց» բանաձևով, բայց արդեն ուշ է։
Նիկոլից Սյունիքի միջանցք են պահանջում, ինչին ինքը համաձայնել է, բայց խնդրում է գերիներին տալ, որպեսզի հայ ժողովրդի վրա ծախելու բան ունենա։ Ալիևը չի տալիս գերիներին, քանզի փալասի տեղ է դրել Նիկոլին էլ, Հայաստանին էլ։ Համ էլ՝ իր ձեռքում գերիները խաղաթուղթ են։
Մինչև նոր բանակցողով Հայաստանը չներկայանա, գերիներին հետ չենք ստանա, Հայաստանի շահերը պաշտպանող չի լինի։
Նիկոլ Փաշինյանի վարչապետ մնալու պարագայում պատերազմն ու հերթական պարտությունն անխուսափելի են։ Բայց այս անգամ արդեն ռազմական գործողությունների թատերաբեմը Հայաստանն է լինելու։
Պատերազմից խուսափելու, իսկ դրա լինելու դեպքում Արցախյանի արդյունքները չկրկնելու համար կարևորագույն նախապայման է Նիկոլի հեռացումը։ Բանակում սա հասկանո՞ւմ են»,- գրել է Թևանյանը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները