Գլեդիս Բերեջիկլյանն «ամուսնացած է իր աշխատանքի հետ»
Հայուհի Գլեդիս Բերեջիկլյանը ընտրվել է ավստրալական Նոր Հարավային Ուելս նահանգի 45-րդ վարչապետ։ Ավստրալական The Sydney Morning Herald–ը փորձել է հասկանալ, թե ով է ավստրալական նահանգի առաջին կին վարչապետը։
46-ամյա Գլեդիս Բերեջիկլյանի հանդեպ մեծ համակրանք էր տածում ավստրալական Նոր Հարավային Ուելս նահանգի նախկին վարչապետ Բարի Օ՝ Ֆարելը։ Դեռ 2014-ին նա առաջարկել էր Գլեդիսին իր հրաժարականից հետո թեկնածությունն առաջադրել վարչապետի պաշտոնին, բայց Գլեդիսը հրաժարվել էր։ Հավաստի աղբյուրի խոսքով, նա զգացել էր, որ պատրաստ չէ դրան։
Իսկ ընկերները Գլեդիսին նկարագրում են որպես ինքնուրույն կին, որը շատ կապված է իր ընտանիքի հետ։ Նա հազիվ թե մեկ բաժակից շատ գինի խմի ընթրիքի ժամանակ, սիրում է օպերա ու գրքեր ժամանակակից պատմության մասին, խաղում է գոլֆ, ամուսին չունի, բայց «ամուսնացած է իր աշխատանքի հետ»։
Հայտնում են, որ նա կարող էր բարձր պաշտոն զբաղեցնել Commonwealth Bank–ում, բայց դրա փոխարեն ընտրել էր խորհրդարանը։ 2003-ին ընտրվել էր Նոր Ուելս նահանգի խորհրդարանի սենատոր՝ Վիլոգբի օկրուգից։ Ընտրազանգվածի զգալի մասը տեղի հայերն էին։
Բերեջիկլյանը ներգաղթականների ընտանիքից է, մինչեւ վերջերս զբաղեցնում էր գլխավոր գանձապահի պաշտոնը։ Հայտնի է, որ մինչեւ հինգ տարեկան Գլեդիսը առհասարակ անգլերեն չէր խոսում, միայն հայերեն։
Նրա ընկերներից մեկի՝ Էնդրյու Փարքերի խոսքով, նա կիրք ունի առաջադեմ ազատական քաղաքականության հանդեպ, ինչը Փարքերը վերագրում է Գլեդիսի հայկական արմատներին։ «Ես հիշում եմ, ինչպես էին մարդիկ նրան ասում «դու չես կարողանա օգտագործել քո ազգանունը, քո ընտրական պաստառների վրա պետք է պարզապես Գլեդիս գրված լինի»։ Նրա ծագումը վաղ մանկությունից նրա մեջ առաջացրել է արդարության զգացում»։
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
Հօգուտ Դիլիջան համայնքի կբռնագանձվի 2 միլիոն 970 հազար դրամ
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա
Իրանական կամպանիայի ամերիկյան ծախսերը կարող է հասնել 31 մլրդ դոլարի
«Արտեմիս II» տիեզերագնացները Լուսնի ձգողականության ազդեցության գոտի են հասել
Մի նոր փոդքաստ պարտադիր դիտման համար
Ո՞վ է թիրախը՝ գյուղացի՞ն որ ուզում է ջերմոց ունենա, թե՞ ներդրողը, որ ուզում է ջերմոցային ցանց ստեղծի
Սպասվում են տեղումներ, քամու ուժգնացում․ ջերմաստիճանը կնվազի
Մեզանից անկախ պատճառներով, դաշինքը չկայացավ. ՀԱԿ