Մոսկվայում ձերբակալվել է ամենահայտնի «օրենքով գողերից» մեկը
Մոսկվայի մարզում քրեական հետախուզության վարչության աշխատակիցները թմրանյութի վերաբերյալ գործով բերման են ենթարկել 55-ամյա «օրենքով գող» Սերգեյ Լևաշովին, որը քրեական շրջանակներում հայտնի է որպես Ռամս: Այս մասին տեղեկացնում է lenta.ru կայքը` հղում տալով Прайм Крайм գործակալությանը:
Ծնունդով Տյումենի մարզից Լևաշովը քրեական հեղինակություններ Պետրիկի և Շիշկանի հետ մայրաքաղաքի մարզի ամենահայտնի սլավոն «օրենքով գողերից» մեկն է:
Նա «թագադրվել» է 1993 թվականին` վրացի ազդեցիկ «օրենքով գողեր» Ջեմալ Միքելաձեի (Արսեն) և Ռոբերտ Կալանդաձեի (Ռոբերտ) կողմից: