Լուգանսկում եւ Դոնեցկում սպանվում են առաջնորդները

Մոսկվա, 8-ը փետրվարի, INTERFAX.RU. Դոնեցկի ինքնահռչակ ժողովրդական հանրապետության «Սոմալի» գումարտակի հրամանատար Միխայիլ Տոլստիխը զոհվել է չորեքշաբթի օրը պայթյունի հետեւանքով, «Ինտերֆաքսին» հաղորդել է ԴԺՀ իրավապահ մարմինների աղբյուրը:

«Դոնեցկում, Տոլստիխի աշխատասենյակում պայթյուն է որոտացել և հրդեհ է բռնկվել: Գիվին այդ պահին աշխատավայրում է եղել»- հաղորդում է աղբյուրը: Չի բացառվում, որ ահաբեկչությունը կարող է կազմակարպված լիներ Կիեւի կողմից՝ կապված իրավիճակի վերջին սրացումների ընթացքում, Դոնեցկի պաշտպանության ժամանակ Տոլստիխի ակտիվ մասնակցության հետ»:

«Նա իր գումարտակի հետ վերջին օրերին պաշտպանում էր Դոնեցկը՝ մասնակցելով Ավդեեւկայի ուղղությամբ բախումներին»-հաղորդում է աղբյուրը»:

ԴԺՀ պաշտպանության նախարարության տվյալներով՝ ահաբեկչությունը տեղի է ունեցել առավոտյան 6-ի սահմաններում: «Այսօր 06:12 ահաբեկչական գործողության արդյունքում զոհվել է ԴԺՀ հերոս, «Սոմալի» գումարտակի հրամանատար գնդապետ Միխայիլ Տոլստիխը, ով հայտնի էր որպես Գիվի: Սա ուկրաինական ուժայինների կողմից Դոնբասի բնակիչների դեմ սկսված ահաբեկչական պատերազմի շարունակությունն է», լրագրողներին հայտնել է հանրապետության զինվորական գերատեսչության ներկայացուցիչը:

ԴԺՀ դատախազությունում, իրենց հերթին, հայտնեցին, որ ահաբեկչությունը կազմակերպված է եղել ուկրաինական դիվերսիոն-հետախուզական խմբի կողմից:
«Այս ահաբեկչական գործողությունը և Արսենի Պավլովի (Մոտորալայի) ավելի վաղ տեղի ունեցած սպանությունը՝ միեւնույն շղթայի մասերն են»: Ահաբեկչության ետեւում կանգնած են ուկրաինական հատուկ ծառայությունները, որոնք ջանքեր են գործադրում հանրապետությունում իրավիճակը ապակայունացնելու համար: Անմիջական իրականացնողները դիվերսիոն-հետախուզական խմբավորումներն են»- «Ինտերֆաքսին» հաղորդել է դատախազության ներկայացուցիչը:

Նրա խոսքերով, ԴԺՀ իրավապահները «տաք հետքերով» դուրս են եկել ահաբեկչության ենթադրյալ իրականացնողների վրա: