Կնոջ հետ խոսելուց 5 րոպե հետո Փաշինյանը զանգահարել է Քյարամյանին ու պահանջել ձերբակալել գեներալ Մովսես Հակոբյանին. Գաբրիելյանով
29-ամյա Արգիշտի Քյարամյանը Արցախ է ժամանել ԱԱԾ 30 աշխատակիցների հետ։ Գլխավոր խնդիրը, որ ՀՀ ԱԱԾ ղեկավարի առջեւ դրել էր Փաշինյանը, իր կնոջ եւ որդու անվտանգությունը պահպանելն էր: Դերերը բաշխվել են հետեւյալ կերպ. բացի Աննա Հակոբյանի անձնական պահպանությունից՝ նրա անվտանգությունն ապահովում էին եւս 10 ամբողջությամբ զինված հատուկ ջոկատայիններ: Նույնիսկ Ղարաբաղում էին զարմացած, թե ինչ զենքերով էին ժամանել ԱԱԾ աշխատակիցները: Եվս 10 մարդ պահպանել է Փաշինյանի որդու անվտանգությունը: Մնացածը գտնվել են Արգիշտիի տրամադրության տակ: Այս մասին իր Telegram-ալիքում գրել է «Իզվեստիա» թերթի տնօրենների խորհրդի նախագահ Արամ Գաբրելյանովը:
«Սկանդալ է ծագել, երբ գեներալ Մովսես Հակոբյանը կոշտ տոնով փորձել է Նիկոլի կնոջից պահանջել լքել բունկերը, որում գերգաղտնի ռազմական օպերացիա էր քննարկվում։ Մինչ այդ արդեն մի քանի անգամ Աննա Հակոբյանը հրապարակավ նրանց վիրավորել է եւ անգամ փորձել է սովորեցնել, թե ինչպես պետք է կառավարել զորքը։ Մովսես Հակոբյանը չի դիմացել եւ շատ կոպիտ ձեւով նրանից պահանջել է լքել շտաբը:
Դրանից անմիջապես հետո Հակոբյանի թիկնապահները փորձել են նրան հանգստացնել։ Բայց բավականաչափ ալկոհոլ օգտագործած կինը զանգել է Նիկոլին եւ սկանդալ սարքել: Ինչպես պատմել են թիկնապահները, նա սկսել է բղավել: Աննայի սենյակից երեքհարկանի քֆուրներ են հնչել: Աննան ստորացրել է Նիկոլին եւ ասել՝ «դու ինչ տղամարդ ես, եթե ինչ-որ «մոսկա» խայտառակում է քո կնոջը»:
Կնոջ հետ զրույցից 5 րոպե անց Փաշինյանը զանգել է Քյարամյանին եւ պահանջել ձերբակալել գեներալ Հակոբյանին եւ ձեռնաշղթաներով բերել Երեւան։ Հենց նման պահանջ է եղել․ բերել ձեռնաշղթայով ու ոստիկանական մեքենայով։
Քյարամյանը պատիվ է տվել եւ գնացել Արցախի նախագահի մոտ: Վախեցած Արայիկ Հարությունյանը երկու գեներալների հրավիրել է խորհրդակցության: Գեներալներն ասել են, որ ոչ ոք նման հրաման չի կատարի, եւ, հակառակը, կձերբակալվեն Քյարամյանն ու իր ողջ թիկնազորը։ Այդ ժամանակ Արայիկ Հարությունյանը հրաժարվել է կատարել Փաշինյանի հրամանն ու այդ մասին ասել է Արգիշտիին։ Վերջինս դողացող ձայնով զեկուցել է Նիկոլին, որ անհնար է կատարել գեներալ Հակոբյանին ձերբակալելու հրամանը: Փաշինյանը սկսել է գոռալ ԱԱԾ երիտասարդ ղեկավարի վրա ու նրան մեղադրել, որ նա տղամարդ չէ։ Դրանից հետո պատերազմող երկրի ԱԱԾ տնօրենի ազատման հրաման է արձակել»,-գրել է նա:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները