Atlantico. Saxo Bank-ի ամենաանհավանական կանխատեսումները 2021 թվականի համար
Դանիական խոշորագույն Saxo Bank բանկը յուրաքանչյուր տարի կանխատեսում է ամենաանհավանական իրադարձությունները, իսկ Forbes ամսագիրը հրապարակում է դրանք մինչեւ դեկտեմբերի 31-ը, գրում է Atlantico-ն:
Ամեն տարի դա անհավանական է թվում: Բայց ո՞վ կարող էր հավատալ սեպտեմբերի 11-ի հարձակումների հնարավորությանը, պատկերացնել, որ մոլորակն ընկնում է հիպոթեկային ճգնաժամի ֆինանսական անդունդը, պատկերացնել որ Սպիտակ տանը սեւամորթ նախագահ կհայտնվի եւ որ նրան այնտեղ կփոխարինի Դոնալդ Թրամփը: Ինչ վերաբերում է Saxo Bank-ի կանխատեսումներին, որոնք, ինչպես միշտ նշվում է, որեւէ պատասխանատվություն չի դնում կապիտալի եւ ներդրումների մասնագետների վրա, դրանցից նույնիսկ ամենախելագարները հաճախ իրականանում են, իսկ շատերը բավականին ռացիոնալ են թվում:
2019-ի վերջին Saxo Bank-ը ներկայիս համաշխարհային համավարակը չէր կանխատեսում, սակայն կանխատեսել էր աննախադեպ տնտեսական եւ ֆինանսական ճգնաժամը, ռեցեսիան Գերմանիայում եւ կալիֆորնիական ամենահայտնի երկու ընկերությունների` Tesla-ի եւ Apple-ի միաձուլումը: 2020 թվականն իսկապես շատ բուռն տարի էր, իսկ տնտեսական ճգնաժամն աննախադեպ էր: Նա չխնայեց Գերմանիային, իսկ Apple-ն իսկապես մտերմանում է Tesla-ի հետ` սկսելով սեփական էլեկտրամոբիլի մշակումը:
Այժմ Forbes-ը հրապարակում է 2021 թվականի ամենախելահեղ կանխատեսումները: Ամսագիրը նախազգուշացնում է ներդրողներին, որ դրանք քիչ հավանական են, սակայն, ամեն դեպքում, առաջարկում է վերլուծել դրանք, քանի որ ճշմարտությունը հաճախ թաքնվում է այնտեղ, որտեղ նրան ամենաքիչն են սպասում: Ներդրումների տնօրենը հիշեցնում է, որ ոչ ոք չէր կարող կանխատեսել ֆինանսական շուկաների պահվածքն այսպիսի անհանգիստ պահին: Դրանք կանգուն մնացին եւ ուշքի եկան շատ ավելի արագ, քան քաղաքական գործիչները, որոնք մոլորվել էին թվերի եւ իրարամերժ կոչերի մեջ: 2021-ը մեզ համար նաեւ մի քանի ցնցող անակնկալ է նախապատրաստել:
1. Amazon-ը կշարունակի ընդլայնվել: Դրա հավակնությունները սահմաններ չունեն: Աճի ապահովման համար Amazon-ը «կգնի Կիպրոսը»` իր եվրոպական կենտրոնակայանն այնտեղ տեղակայելու համար: Ընկերությունը կփոխի Կիպրոսի հարկային օրենսդրությունը` իր համար ավելի լավ պայմաններ ստեղծելու համար: Կիպրոսը դա կընդունի եւ կսկսի մեծ փողեր աշխատել, որոնք ԵՄ-ի կողմքով կանցնեն: Եվրոպացիները կարձագանքեն դրան, ինչը փրկօղակ կդառնա Եվրոպայի համար: Եվրոպական ղեկավարությունը հարկադրման միասնական հայտարարի կբերի սակագնի իջեցմանը զուգահեռ:
2. Գերմանիան կփրկի Ֆրանսիային` լցնելով կորոնավիրուսից հետո դատարկ իր գանձարանը: Ֆրանսիական պարտքը երկու անգամ ավելի մեծ է, քան Գերմանիայինը (ՀՆԱ-ի 140 տոկոսը` 70 տոկոսի դիմաց), իսկ բանկերին կարող է սնանկություն սպառնալ: Ֆրանսիան կդիմի Գերմանիային, որպեսզի այն թույլ տա ԵԿԲ-ին ֆինանսավորել իր բանկերը: Իսկ Գերմանիային այլ լուծում չի մնա, եթե այն ցանկանում ինքնուրույն տանել ճգնաժամը, որը կարող է համակարգայինի վերաճել:
3. Կեղծ լուրերը կվերանան բլոկչեյնների շնորհիվ: Տեղեկատվական ցանցերը, կառավարությունները եւ բիզնեսները կմիավորվեն` սոցիալական մեծ լրատվամիջոցներին տեղեկատվությունը բլոկչեյնի ալգորիթմների նման ալգորիթմներով զտել ստիպելու համար, որոնք կհաստատեն փաստերի իսկությունը:
4. Չինացիները կայուն կրիպտոարժույթ կթողարկեն` թվային յուան, որը շատ բարձր կայունություն կունենա` ներդրողներին գրավելու համար: Ներդրողները դա որպես չինական շուկայի բացություն կընկալեն եւ դրականորեն կվերաբերվեն առաջարկին: Դոլարը ստիպված կլինի բախվել այդպիսի մրցակցությանը չինացիների եւ ամերիկացիների միջեւ պոտենցիալ պատերազմի նոր փուլում:
5. Տեխնոլոգիաները թույլ կտան ապահովել մաքուր էներգիայի զարգացումը, որպեսզի յուրաքանչյուր տուն անկախություն ունենա մատակարարման գործում: Ինչպես կարծում են Saxo Bank-ում, միաձուլման էներգիան պատրաստ կլինի շուկա դուրս գալ ամենափոքր մասշտաբովներով` ալգորիթմի շնորհիվ, որն այն հասանելի կդարձնի անհատների համար: Արդյունքում, յուրաքանչյուր ընտանիք կկարողանա իրեն էներգիայով ապահովել, ինչը նրանց նաեւ հնարավորություն կտա հրաժարվել հողմաղացներից:
6. Գործազրկության պատճառով աշխատատեղերի քանակը կկրճատվի, սակայն արտադրողականությունն այնքան բարձր կլինի, որ հնարավոր կլինի բոլորին անվերապահ եկամուտ վճարել: Նման փոփոխությունների առաջին հետեւանքը քաղաքներ աճի դադարեցումը կլինի:
7. Կորոնավիրուսի դեմ պատվաստանյութը կկարողանա գնաճ առաջացնել: Տնտեսության վերականգնումն անխուսափելի է եւ իսկական բում կառաջացնի եւ հետեւաբար` գնաճ: Այն հարված կդառնա վարձավճարներին եւ ակտիվներին, իսկ կենտրոնական բանկերի արձագանքը տոկոսադրույքների բարձրացման տեսքով դեֆոլտի մի ամբողջ շղթայի կհանգեցնի:
8. Այսպիսի գնաճը կարող է նաեւ հարվածել արժույթներին եւ խթանել թանկարժեք եւ հազվագյուտ մետաղների պահանջարկը: Արծաթի գները կարող են կտրուկ թռիչք ունենալ նոր շուկաների ի հայտ գալու պատճառով:
9. Տեխնոլոգիաներն ամբողջ աշխարհում ինտերնետի հասանելիության հնարավորություն կտան արբանյակների շնորհիվ, իսկ զարգացող տարածաշրջաններում կաճի կրթության եւ արտադրողականության մակարդակը: Մասնավորապես, գյուղատնտեսական անօդաչու թռչող սարքերի օգտագործումն արտադրողականության կտրուկ աճ կապահովի աշխարհի շատ գյուղական գոտիներում:
10. Մեծ առաջընթաց կանխարգելիչ բժշկության ոլորտում: Կորոնավիրուսի դեմ պատվաստանյութն իր սկզբունքով քիչ է տարբերվում քաղցկեղի բուժումից: Ուստի covid-19-ի դեմ գործարկված կապիտալի զանգվածը թույլ կտա հսկայական ցատկ կատարել քաղցկեղի դեմ պայքարում, որը համեմատելի կլինի նրա հետ, ինչ տվեցին պատվաստանյութերն ու հակաբիոտիկները 20-րդ դարում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները