Գիտեի՞ք, որ նիկոլն այսքան ցածր է. կրկին թիրախավորվել է Նաիրա Զոհրաբյանը

Հինգ հազար երիտասարդի մահվան տարած, Հադրութ, Շուշի, Քարվաճառ, Բերձոր հանձնած նիկոլն այսօր գիշերներն այնքան հանգիստ է քնում, որ անգամ ժամանակ է գտնում իր ընդդիմախոսների դեմ եղկելի արարքներ թույլ տալու համար:

Նաիրա Զոհրաբյանի քաղաքացիական դիրքորոշումը, պատգամավորական գործունեությունը նիկոլին հունից հանել է եւ նա որոշել է իր կարճ խելքով, իր ցածր տեսակով պատժել նրան: Որոշում է կայացվել Նաիրա Զոհրաբյանին հեռացնել ԱԺ Մարդու իրավունքների պաշտպանության եւ հանրային հարցերի մշտական հանձնաժողովի նախագահի պաշտոնից: 

Իմքայլական պատգամավոր Արթուր Հովհաննիսյանին հանձնարարվել է հարցի վերաբերյալ նախագիծ դնել շրջանառության։ Արթուր Հովհաննիսյանն, իհարկե, հիմա կաղաղակի, կպնդի, որ մանկության վաղ տարիներից է երազել այս նախագծի մասին, եւ որ որեւէ մեկն իրեն նման հանձնարարություն չի տվել: Այո, նա բղավելու, աղաղակելու իրավունք ունի, բայց մենք էլ կարող են կարծել, որ հանձնարարությունն, այնուամենայնիվ, տվել է հենց նիկոլը, իհարկե՝ լենայի միջոցով:

Նախագծում որպես հիմնավորում նշված է, որ Զոհրաբյանի կողմից արվում են Սահմանադրությամբ ամրագրված մարդու՝ որպես բարձրագույն արժեք, անօտարելի արժանապատվությունը ոտնահարող, նվաստացնող եւ վիրավորանք պարունակող հայտարարություններ։ Օրինակ է բերվում պատգամավորի ֆեյսբուքյան մի քանի գրառումներ, որոնցից մեկ դեկտեմբերի 17-ին արված հետեւյալ գրառումն է․ «Ես ատում եմ քեզ, ժեխ, որ իշխանության բերեցիր քո նմանին, ով դանդաղ փակում է մեր պետականության էջը»։

Այն, որ այս նախագիծը ոչ միայն անբարոյականության ցցուն օրինակ է, այլ նաեւ հակաօրինական, կփաստեն բոլոր մասնագետները: Հիմա ընդամենը մի հարց նույն Արթուր Հովհաննիսյանին եւ իմքայլականներին. իսկ երբ պետության թիվ մեկ պաշտոնյան, մոռանալով, որ մարդը բարձրագույն արժեք է ոչինչ չի անում, այլեւ ընդհակառակը ամեն ինչ անում է, որ 18-20 տարեկան հինգ հազար երիտասարդ զոհվի, ինչո՞ւ նախագծեր շրջանառության մեջ չդրեցիք: Ինչու այդ մարդու մասին չհիշեցիք, երբ ադրբեջանցիները նրանց Հայաստանում գտնվող տնից դուրս էին շպրտում:

Դե ծպտուն հանի Արթուր: Իսկ դու գոնե հասկանում ես թե ում դեմ ես նախագիծ ներկայացրել: Չես հասկանում: Հաստատ չես հասկանում: Դու երբ դեռ չէիր ծնվել, Նաիրա Զոհրաբյանը մարդու իրավունքների պաշտպանության մասին հոդվածներ էր գրում: Երբ դու դեռ ծծակ էիր օգտագործում, Նաիրա Զոհրաբյանի հոդվածները գրեթե բոլոր տառաճանաչներն էին կարդում: Դու հասկանո՞ւմ ես նիկոլը ձեզ ինչպես է փչացնում: գոնե դա հասկանո՞ւմ  ես: Դու այս նախագիծը ներկայացնելով գնացիր հավասարվեցիր հովակիմյան վահագնին՝ սահմանադրական հեղաշրջումների թիվ երկու մասնագետին:

Ցածր եք, շատ ցածր է, ահավոր ցածր եք: Արթուր Հովհաննիսյան, իսկ դու մտածում էիր, թե լրագրող ես եղել, սկզբունքներ ունես: Փաստորեն սխալվում էիր:

Վարդան Մխիթարյան

Top-News.am