Թրամփը քննադատել է ներգաղթային հրամանի վերաբերյալ վերաքննիչ դատարանի որոշումը

ԱՄՆ նախագահ Դոնալդ Թրամփը քննադատել է երկրորդ վերաքննիչ դատարանի որոշումը, որը նախօրեին արգելափակել է իր՝ մուսուլմանական 6 երկրների քաղաքացիների համար երկիր մուտքի սահմանափակումներ մտցնող հրամանը, փոխանցում է «ՌԻԱ Նովոստի»-ն:

«Ինչպես եւ սպասվում էր, 9-րդ շրջանային դատարանը դարձյալ որոշում է ընդունել մեր երկրի պատմության մեջ այսպիսի վտանգավոր ժամանակաշրջանում մուտքի արգելք մտցնելու դեմ: Գերագույն դատարանը (S.C.)»,- Twitter-ի իր պաշտոնական էջում գրել է ԱՄՆ նախագահը:

Հիշեցնենք, որ Թրամփի հրամանով նախատեսվում էր 90 օրով կասեցնել Իրանի, Եմենի, Լիբիայի, Սիրիայի, Սոմալիի, Սուդանի քաղաքացիներին ԱՄՆ մուտքը: Իրաքը, ի տարբերություն նախորդ՝ դատարանի որոշմամբ նույնպես չեղյալ համարված հրամանի, երկրների ցանկում ներառված չէ: Հրամանով պետք է 120 օրով կասեցվի նաեւ փախստականների ընդունման ծրագիրը:

 NEWS.am