Բազմաբնակարան շենք ու 13 հազար դոլար շահաբաժին

«Փաստ» օրաթերթը գրում է.՛

ՀՀ տնտեսական զարգացման և ներդրումների նախարարության զբոսաշրջության պետական կոմիտեի աշխատակազմի ղեկավար Արամ Վարդանյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Վարդանյանը հայտարարագրել է բազմաբնակարան բնակելի շենք՝ մեկից ավելի բնակարաններ, ոչ բնակելի և ընդհանուր օգտագործման տարածքներ ունեցող շինություն, և «MERCEDES–BENZ E 280» մակնիշի ավտոմեքենա:

Ըստ հայտարարագրի՝ պաշտոնը ստանձնելու օրվա դրությամբ ունեցել է 12 հազար 500 դրամի բաժնեմաս և 4 հազար ամերիկյան դոլար ու 1 միլիոն 200 հազար դրամ արժողությամբ դրամական միջոցներ:

Եկամուտները կազմել են 9 միլիոն 898 հազար դրամ, որից 3 միլիոն 988 հազար դրամը աշխատավարձն է, իսկ 5 միլիոն 900 հազար դրամը շահաբաժին:

Մանրամասները՝ «Փաստ» օրաթերթի այսօրվա համարում