Վարչապետի խոսքերը կարող են օգտագործվել մեր դեմ
«Ժողովուրդ» օրաթերթը գրում է. ԱԺ մարդու իրավունքների պաշտպանության ու հանրային հարցերի մշտական հանձնաժողովի նախագահ Թագուհի Թովմասյանն ասում է, որ եթե ցանկություն կար պարզելու տղաների՝ գերի ընկնելու հանգամանքը, ապա դա պետք էր անել մեկ տարվա ընթացքում։ Վարչապետ Նիկոլ Փաշինյանը, հիշեցնենք, Կառավարություն-Ազգային ժողով վերջին հարցուպատասխանի ժամանակ հայատարել էր. «Գուցե սխալ ենք վարվել էմոցիոնալ ֆոնի վրա, ի՞նչ է նշանակում գերի ընկնել, ի՞նչ հանգամանքներում է դա եղել, պետք է քննվի։ Զինվորական կանոնագրերը սահմանում են, թե որ դեպքում գերի ընկնելը չի համարվում հանցագործություն»։
«Ժողովուրդ» օրաթերթի հետ զրույցում Թագուհի Թովմասյանը նշեց, որ Ադրբեջանում այսօր շատ գերիներ ունենք ու չգիտենք՝ ինչ պայմաններում են նրանք գերվարվել։ «Գուցե կան ենթադրություններ, վերլուծություններ, բայց իրավական հիմնավորում, փաստարկված ապացույցներ չունենք։ Հետևաբար այն, ինչ խոսվում է, պետք էր քննել ու դասեր քաղել դրանից»,- նշում է ԱԺ ՄԻՊ հանձնաժողովի նախագահը։
Ինչ վերաբերում է նոյեմբերի 16-ին գերվարված տղաներին ու հեռակա ակնարկներին, թե գերիներն են մեղավոր, որ գերի են ընկել, ապա պատգամավորը շեշտեց․ «Նիկոլ Փաշինյանն ինքը հայտարարեց, որ ադրբեջանական զինուժի ներկայացուցիչները մտել են ՀՀ տարածք։ Դա նշանակում է, որ եթե ՀՀ տարածքում ռազմական գործողություններ են տեղի ունեցել, ապա տղաները ոչ թե գերեվարված, այլ առևանգված են, որովհետև նրանց եկել ու առևանգել են ՀՀ տարածքից։ Դա քրեական հանցագործություն է, ու ադրբաջանական կողմը պետք է պատասխանատվություն կրի դրա համար։ Հետևաբար պետք է քննել առևանգվելու վարկածը, ինչը, միջազգային բոլոր նորմերով ու կարգավորումներով, քրեական հանցանք է»։
Ըստ Թագուհի Թովմասյանի՝ երկրի ղեկավարի կողմից նման հայտարարություն անելը հետագայում մեզ համար դժվարություններ կարող է առաջացնել միջազգային հարթակներում։ Ինքն, օրինակ, որպես Մարդու իրավունքների պաշտպանության ու հանրային հարցերի մշտական հանձնաժողովի նախագահ, բազմաթիվ նամակներ է գրել միջազգային գործընկերներին՝ ահազանգելով, որ մեր քաղաքացիներին առևանգել են, ներխուժել են ՀՀ տարածք:
Ստացվում է՝ միջազգային գործընկերները կարող են վարչապետի խոսքերը մեջբերել ու այդ նամակներն անպատասխան թողնել։ Բացի այդ, վարչապետի վերոնշյալ հայտարարությունը, մեր զրուցակցի կարծիքով, մեր դեմ նաև միջազգային դատարանները կարող են օգտագործել, ինչը երկարաժամկետ պայքարի բոլոր ձևերը կսպառի»:
Մանրամասները՝ թերթի այսօրվա համարում
«Բավարիայի» կիսապաշտպանը՝ Ավստրիայի լավագույն ֆուտբոլիստ
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
Կընդգրկվի արդյոք Փարաքարի նախկին համայնքապետ Գյուլնազարյանը՝ ՔՊ ընտրական ցուցակում
Էլեն Բադալյանն ու ֆուտբոլիստ Հրանտ Ռանոսը նշանադրվել են
Wizz Air ավիաընկերությունը հայտարարել է Երևան ֊ Լոնդոն ֊ Երևան ուղիղ թռիչքների մեկնարկի մասին. Խուդա...
Որոշ հասցեներում 24 ժամ լույս չի եղել, ևս 24 ժամ հնարավոր է չլինի
Վահագն Խաչատուրյանը Ֆուտզալի ազգային հավաքականի գլխավոր մարզչին պարգևատրել է Մովսես Խորենացու մեդալո...
Viva-ն միանում է քարայրային թանգարանի ստեղծմանը (տեսանյութ)
Կամ պայմանավորվում ենք՝ երբ ենք ստորագրում, կամ չենք պայմանավորվում․ Միրզոյանը՝ խաղաղության համաձայն...