Բանգլադեշում իշխանության են գալիս ազգայնականները` Z սերնդի հեղափոխությունից հետո

Բանգլադեշի ազգայնական կուսակցությունը վստահ հաղթանակ է տանում խորհրդարանական ընտրություններում՝ «Z սերնդի» բողոքներից հետո անցկացված առաջին քվեարկության արդյունքում։ Բանգլադեշի ազգայնական կուսակցություն ստանում է խորհրդարանական տեղերի երկու երրորդը։

Reuters-ը հայտնում է, որ վերջին տվյալների համաձայն՝ ԲԱԿ-ը եւ նրա դաշնակիցները կստանան Ազգությունների  պալատի 299 մանդատներից առնվազն 212-ը։ «Ջամաաթ-ի Իսլամի» կուսակցությունը ու նրա դաշնակիցները, հավանաբար, կստանան մոտ 70 մանդատ։

Նախկին իշխող կուսակցությունը՝ «Ավամի լիգան» անցյալ տարվա մայիսից արգելված է եւ ընտրություններին չի մասնակցել։ Կուսակցության առաջնորդ Շեյխ Հասինան ավելի քան 15 տարի ղեկավարել է կառավարությունը եւ 2024 թվականի ամռանը տեղի ունեցած զանգվածային բողոքներից հետո փախել է հարեւան Հնդկաստան։

Ինչպես փոխանցում է Reuters-ը, քվեաթերթիկների ձեռքով հաշվարկը կշարունակվի առնվազն մինչեւ ուրբաթ կեսօր։ ԲԱԿ-ն արդեն շնորհակալություն է հայտնել ընտրողներին քվեարկության համար եւ կոչ է արել ուրբաթ օրը հատուկ աղոթքներ անել երկրի եւ նրա բնակչության համար։