ԱՄՆ-ն հաստատել է իր ուժերի դուրսբերումը Սիրիայի Ալ Թանֆ ռազմաբազայից
Ամերիկյան ուժերը լքել են Սիրիայի հարավում գտնվող Ալ Թանֆ ռազմաբազան, որը գտնվում է Հորդանանի և Իրաքի սահմանների մոտ, ու տեղափոխվել են Հորդանանի տարածք։ Այդ մասին հայտնել է AFP-ն՝ հղում անելով սիրիական երկու ռազմական աղբյուրի։
Նրանց խոսքով՝ զորքերի դուրսբերումն ավարտվել է, ամերիկյան կողմն էլ վերջին 15 օրվա ընթացքում դուրս է բերել սարքավորումները։ Մի աղբյուր պարզաբանել է, որ սիրիական ստորաբաժանումներն արդեն սկսել են տեղակայվել ռազմաբազայում:
Սիրիայի պաշտպանության նախարարությունը հաստատել է, որ բանակի ստորաբաժանումներն ամերիկյան կողմի հետ համակարգված վերահսկողության տակ են վերցրել Ալ Թանֆ ռազմակայանը: Ըստ տեղեկությունների՝ ԱՄՆ զինված ուժերը մտադիր են շարունակել համակարգումը Հորդանանից։
Մինչև վերջերս ամերիկյան զինուժը տեղակայված էր Սիրիայի հյուսիս-արևելքում, որը վերահսկում էին քրդական կազմավորումները, ինչպես նաև Ալ Թանֆ ռազմաբազայում, որն առանցքային դեր էր խաղում միջազգային կոալիցիայի գործողություններում «Իսլամական պետություն» ահաբեկչական խմբավորման դեմ պայքարում: Բազան ստեղծվել է 2014 թվականին՝ որպես «Իսլամական պետության» դեմ գլոբալ կոալիցիայի գործողությունների հիմնական կենտրոն։
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Դրամն արժևորվում է՝ գները դրամով թանկանում․ ինչո՞ւ
Մունդիալ-2026․ մեկնարկն արդարացնո՞ւմ է սպասելիքները
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...
ԲՀԿ-ն դիմել է ՍԴ՝ վիճարկելու ընտրությունների արդյունքները
«Ըսավ քուգդ բդի էղնի 120». նոր ձայնագրություն ընտրակաշառքի գործով«Ըսավ քուգդ բդի էղնի 120». նոր ձայն...
Հայաստանը կներկայացվի աշխարհի խոշորագույն արևային էներգետիկ ցուցահանդեսում՝ Intersolar Europe 2026-ո...
Սկսվել է ծիրանի արտահանումը