Մեհրիբան Ալիեւայի «Զոնդեր կոմանդան»
Օրեր առաջ Մեհրիբան Ալիեւան ձեւակերպեց իր երազանքը՝ Արցախում մուղամ լսել։ Սրան հաջորդեց իմքայլական պատգամավոր Հայկ Սարգսյանի օրենսդրական նախաձեռնությունը՝ թույլատրել ընդամենը տասը միլիոն դրամով զինված ուժերում ծառայել միայն մեկ ամիս:
Մի պահ թվաց, որ իմքայլական մյուս պատգամավորները, ինչպես նաեւ վարչապետը, հրապարակավ կդատապարտեն իրենց ընկերոջ նախաձեռնությունը, ավելին, նրան կառաջարկեն վայր դնել մանդատը, բայց տեղի ունեցավ հակառակը:
Պարզվում է՝ այս գաղափարը ողջունել է Ազգային ժողովի Պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը: Ավելին, Հայկ Սարգսյանն պնդում է, որ իրեն այս հարցում աջակցողների թիվը բավական մեծ է իր գործընկերների շրջանում:
Հետաքրքիր թիմ է ձևավորվում՝ Dream team. Մեհրիբանը հարցի տեսական մասն է ձեւակերպում, Հայկ Սարգսյանն ու Անդրանիկ Քոչարյանը՝ գործնական։
Ստեփանակերտում մուղամ լսելու երկու տարբերակ կա. Արցախի անկախությունը ճանաչելուց հետո որպես հյուր մի օր գալ համերգի կամ հայկական բանակը կազմալուծելուց հետո, որպես օկուպանտ իրականացնել ցանկությունը։
Նախաձեռնության հեղինակները կարող են ավելի հեռու գնալ եւ օրենսդրական նախաձեռնությամբ արգելել զորակոչը, որը Մեհրիբանին եւ նրա դուստրերին կօգնի Արցախում ոչ միայն մուղամ լսել, այլ նաեւ մուղամի դպրոցներ բացել։ Կարելի է շարունակել Արցախը ազատագրած եւ բանակ ստեղծած նախագահներին եւ գեներալներին բանտում պահել, եւ Մեհրիբանը հնարավորություն կունենա Երեւանում Մուղամի փառատոն անցկացնել։
Գեղամ Նազարյան
Top-News.am
էբոլան ընդլայնվում է սրընթաց կերպով
Խուզարկություններ Ռոբերտ եւ Լեւոն Քոչարյանների բնակարաններում (լրացված)
«Ռոման» ջախջախիչ հաղթանակ տոնեց 4:0 հաշվով
Մադրիդի «Ատլետիկոն» սեփական հարկի տակ ուժերը չափեց «Մալագայի» հետ
Հայաստանում սեպտեմբերի 10-13-ը կանցկացվի միջազգային հեծանվաերթ. գործադիրը բյուջեից միջոցներ կհատկացն...
Ձերբակալվել է Ռոբերտ Քոչարյանը․ քաղաքացիների արձագանքը
Իսրայելի խոշոր «Բեն Գուրիոն» օդանավակայանի աշխատակիցները գործադուլ են հայտարարել
Օդի ջերմաստիճանը առաջիկա օրերին կնվազի 5-7 աստիճանով. առանձին շրջաններում սպասվում է կարճատև անձրև և...
Ժոզե Մոուրինյուն թիմի կազմում տեղ չի տեսնում Ռաուլ Ասենսիոյի համար
Նման միտում, անշուշտ, կա, պետք չէ այն չափազանցնել. Պեսկով