Պաղեստինի ազատագրման կազմակերպությունը կոչ է արել իշխանություններին հրաժարվել Իսրայելի հետ կապերից
Պաղեստինի ազատագրման կազմակերպության (ՊԱԿ) գործադիր կոմիտեն կոչ է արել Պաղեստինի կառավարությանը դադարեցնել Իսրայելի հետ համագործակցությունը բոլոր ոլորտներում, հաղորդում է «ՏԱՍՍ»-ը: Հանձնաժողովի հայտարարությունը հրապարակվել է Պաղեստինի նախագահ Մահմուդ Աբբասի գլխավորությամբ հանդիպումից հետո:
Բացի այդ, ՊԱԿ-ը մտադիր է դիմել ՄԱԿ-ի Անվտանգության խորհուրդ, ՄԱԿ-ի Գլխավոր ասամբլեա եւ Միջազգային քրեական դատարան` Իսրայելի գործողությունները վիճարկելու եւ Երուսաղեմում, Հորդանանի հովտում եւ Հեբրոնից դեպի հարավ «իսրայելական բնակավայրերի, ռասայական խտրականության եւ էթնիկ զտումների» վերաբերյալ հետաքննություն անցկացնելու համար:
Կազմակերպությունը հայտարարել է նաեւ հատուկ հանձնաժողովի ստեղծման մասին, որը պետք է հետեւի ՊԱԿ-ի Կենտրոնական խորհրդի որոշումների կատարմանը, ինչպես նաեւ Իսրայելը Երուսաղեմի մայրաքաղաք ճանաչելու որոշման կասեցմանը:
Հիշեցնենք, որ հունվարի 16-ին ՊԱԿ-ի Կենտրոնական խորհուրդը լիազորել էր ՊԱԿ-ի Գործադիր կոմիտեին «դադարեցնել Իսրայելի՝ որպես պետություն ճանաչումը, մինչեւ այն չճանաչի Պաղեստինը՝ որպես պետություն 1967-ի սահմաններով, չչեղարկի Արեւելյան Երուսաղեմն Իսրայելի մայրաքաղաքի սահմաններում ներառելու որոշումը եւ չդադարեցնի հրեական բնակավայրերի կառուցումը»:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Մելանշոնը հավանական առաջատար թեկնածուներից մեկն է
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Ամերիկան պատմության մեջ հսկայական քայլ հետ կատարեց
Ծաղկունքում կասեցվել է հացաբուլկեղենի արտադրամասի գործունեությունը
Կրկին ակտիվացել են ՆԳՆ անունից զեղծարարության փորձերը
800-ամյա Շնադից դղյակը վաճառքի է հանվել ընդամենը 1 եվրոյով