Ֆիդել Կաստրոյի որդին ինքնասպանություն է գործել
Կուբայի պետական մամուլի հաղորդագրության համաձայն, հանրապետության հանգուցյալ առաջնորդ Ֆիդել Կաստրոյի ավագ որդին՝ 68-ամյա Ֆիդել Կաստրո Դիաս-Բալարտն ինքնասպանություն է գործել:
«Գրանմա» պաշտոնաթերի փոխանցմամբ, Կատրոյի որդին «ամիսներ շարունակ եղել է ծանր ընկճախտի (դեպրեսիայի) վիճակում՝ բժիշկների հսկողության ներքո, բուժվել է հիվանդանոցում, ապա՝ ամբուլատոր պայմաններում: Փետրվարի 1-ի առավոտյան նա անձնասպան է եղել»:
Ֆիդել Կաստրո Դիաս-Բալարտն ուսանել է ԽՍՀՄ-ում՝ նախ՝ Վորոնեժի համալսարանի, ապա՝ Մոսկվայի Լոմոնոսովի անվան համալսարանի միջուկային ֆիզիկայի բաժնում և թեկնածուական թեզ է պաշտպանել:
Հարցազրույցներից մեկում նա ասել է, որ Խորհրդային Միությունում ապրել է «Խոսե Ռաուլ» անվան տակ, և միայն բարձրաստիճան պաշտոնյաներից մի քանիսն են իմացել, որ ինքը Ֆիդել Կաստրոյի որդին է: 2013 թվականին նա դարձել է Լոմոնոսովի համալսարանի պատվավոր պրոֆեսոր:
Ֆիդել Կաստրո Դիաս-Բալարտը հայտնի էր որպես «Ֆիդելիտո», քանի որ արտաքինից չափազանց նման էր հորը:
Արդիական կոմունիստական Կուբայի հիմնադիր Ֆիդել Կաստրոն ուներ 11 երեխա տարբեր կանանցից: Ֆիդել Կաստրոն մահացել է 2016 թվականի նոյեմբերի 25-ին՝ 90 տարեկանում:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
ՀՀ ԱԺ արտահերթ նստաշրջան - 02.07.2026
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել