Պաղեստինի ղեկավարը ելույթ կունենա ՄԱԿ-ի Անվտանգության խորհրդում

Պաղեստնի իշխանության ղեկավար Մահմուդ Աբբասն այսօր ՄԱԿ-ի Անվտանգության խորհրդի նիստում կներկայացնի Պաղեստինի վարչակազմի արձագանքը Երուսաղեմն Իսրայելի մայրաքաղաք ճանաճելու Վաշինգթոնի որոշման վերաբերյալ:

ՄԱԿ-ում Քուվեյթի դեսպան Մանսուր ալ-Օտաբին, ով փետրվարին նախագահում է Անվտանգության խորհրդում, ասել է, որ իր երկրի կառավարությունն է Աբբասին առաջարկել ելույթ ունենալ նիստում: «Անվտանգության խորհրդի անդամներից և ոչ մեկը չի առարկել»,- ասել է դիվանագետը:

ԱՄՆ նախագահ Դոնալդ Թրամփը 2017 թվականի դեկտեմբերի 6-ին է հրապարակել Երուսաղեմն Իսրայելի մայրաքաղաք ճանաչելու և ամերիկյան դեսպանությունը Թել Ավիվից այդ քաղաք փոխադրելու որոշումը:

Միջազգային համայնքի մեծ մասը և հատկապես մահմեդական պետությունները քննադատել է այդ որոշումը:

ՄԱԿ-ի գլխավոր ասամբլեան 2017 թվականի դեկտեմբերի 21-ին քվեների 128 կողմ, 9 դեմ հարաբերակցությամբ ընդունել է պարտադիր ուժ չունեցող բանաձև, որով դատապարտել է Թրամփի որոշումը:

Այս թեմայով Տարին սկսեցին նոր սպանություններով Սուր քննադատություն Իսրայելի հասցեին Իսրայելի հանցագործությունների մասին ՄԱԿ-ի դատարանում զգալի ապացույցներ են ներկայացվել. Թուրքիայի ԱԺ նախագահ Բայդենը պնդում է, թե Նեթանյահուն Պաղեստինի անկախության կողմնակից է Իսրայելը ֆինանսավորել է ՀԱՄԱՍ-ին, որպեսզի թուլացնի Պաղեստինի ինքնավարությունը. Բորել