Նրանք ցանկանում են գործարք կնքել, բայց դա այն չէ, ինչ ես եմ ուզում. Դոնալդ Թրամփ
ԱՄՆ նախագահ Դոնալդ Թրամփը ակնկալում է, որ Իրանի հետ բանակցությունները կշարունակվեն հաջորդ շաբաթ։ Այս մասին նա հայտարարել է ամերիկյան Axios լրատվական պորտալի հետ հեռախոսազրույցում։ «Նրանք ցանկանում են գործարք կնքել, բայց դա այն չէ, ինչ ես եմ ուզում։ Գուցե մենք դրան համաձայնեինք մեկ տարի առաջ։ Նրանք գերագնահատեցին իրենց հնարավորությունները»,- ասել է Սպիտակ տան ղեկավարը։ ԱՄՆ նախագահը չի հերքել Իրանին հարվածներ հասցնելու հնարավորությունը:
Սպասվում է, որ կատարցի միջնորդները, որոնք ավելի վաղ մասնակցել են Վաշինգտոնի և Թեհրանի ներկայացուցիչների հանդիպումներին, սեպտեմբերի 28-ին հանդիպումներ կունենան Իրանի ԱԳ նախարար Աբբաս Արաղչիի ու ԱՄՆ նախագահի հատուկ ներկայացուցիչ Սթիվեն Ուիթքոֆի հետ:
Միևնույն ժամանակ, Axios-ը նշում է, որ երկրներն ունեն տարբեր տեսլականներ հնարավոր համաձայնագրի վերաբերյալ։ Մինչ Թեհրանը ցանկանում է ցանկացած բանակցություն կենտրոնացնել Հորմուզի նեղուցի լիակատար բացման և ԱՄՆ ռազմածովային շրջափակման վերացման վրա, Վաշինգտոնը պահանջում է ավելի լայն համաձայնագիր, որը ներառում է զիջումներ Իրանի միջուկային ծրագրի վերաբերյալ։
Մի քանի օր առաջ Արաղչին հաղորդել էր, որ Թեհրանը Վաշինգտոնին առաջարկել է մեկ շաբաթվա ընթացքում վերականգնել Հորմուզի նեղուցով նավագնացությունը՝ որոշակի պայմաններով, և վերսկսել հակամարտության երկարաժամկետ կարգավորման շուրջ բանակցությունները: Ըստ ԶԼՄ-ների՝ որպես պայմաններ նշվել են ռազմական գործողությունների դադարեցումը բոլոր ճակատներում, այդ թվում՝ Լիբանանում, իրանական նավահանգիստների շրջափակման վերացումը, Թեհրանի ակտիվների ապասառեցումը և իրանական նավթի արտահանման սահմանափակումների վերացումը:
Սպիտակ տան ղեկավարը մերժել Է Իրանի այդ առաջարկը:
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Երթևեկության կազմակերպման փոփոխություն՝ Վարդանանց փողոցում
Առաջին նոր երգ` հարսանիքից հետո
Դեպի Երևան․ ինչպե՞ս (տեսանյութ)
Շարունակում ենք ստուգայցերը ՊՆ զորամասեր (տեսանյութ)
Z համաշխարհային պատերազմը վերադառնում է
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Տուրիստ չեմ` ավտոբուս չկա