Հարավային Կորեայի նախագահի աշխատակազմը Ուկրաինայից պաշտոնական պարզաբանումներ և ներողություն է պահանջել
Հարավային Կորեայի նախագահի աշխատակազմը Ուկրաինայից պաշտոնական պարզաբանումներ և ներողություն է պահանջել՝ Կիևին մեղադրելով Սեուլին հյուսիսկորեացի երկու ռազմագերիների փոխանցման մասին տեղեկատվության հրապարակման, ինչպես նաև այդ քայլի գաղտնիության վերաբերյալ պայմանավորվածության փաստը հետագայում հերքելու մեջ:
«Նախագահի աշխատակազմը խորին ցավալիություն է հայտնում Ուկրաինայի կողմից տեղեկատվության միակողմանի հրապարակման և դրան հաջորդած նրա կեղծ հայտարարության առնչությամբ, թե չհրապարակման վերաբերյալ համաձայնություն չի եղել»,- ասված է նախագահի հասարակայնության հետ կապերի գծով ավագ քարտուղար Սոն Գի Հոնի հայտարարության մեջ:
Նա հավելել է, որ կառավարությունը դիտարկում է այս իրավիճակի հետ կապված լրացուցիչ միջոցներ ձեռնարկելու հնարավորությունը, եթե դրա կարիքը լինի:
Նրա խոսքով՝ Կիևը տարբեր խողովակներով Սեուլի հետ բազմիցս քննարկել է գերիների փոխանցման հարցը և պնդել գաղտնիության պահպանումը՝ պատճառաբանելով, որ հանրային հնչեղությունը կարող էր Ուկրաինայի ներսում քննադատություն առաջացնել՝ հյուսիսկորեացի զինվորներին ուկրաինացի գերիների հետ փոխանակելու բաց թողնված հնարավորության պատճառով:
Հարավային Կորյան համաձայնել էր գաղտնի պահել փոխանցման փաստը՝ հաշվի առնելով, ինչպես հայտարարել է երկրի նախագահի ներկայացուցիչը, անվտանգության նկատառումները, դիվանագիտական և հումանիտար ասպեկտները, այդ թվում՝ բուն գերիների և նրանց ընտանիքների անվտանգությունը:
Համաձայն հայտարարության՝ Ուկրաինան փոխանցման մասին տեղեկատվությունը բացահայտել է ՄԱԿ-ի Գլխավոր ասամբլեայում նախագահ Վլադիմիր Զելենսկու ելույթի ընթացքում՝ առանց պատշաճ ծավալով նախնական խորհրդակցություններ անցկացնելու, իսկ այնուհետև հերքել է գաղտնիության վերաբերյալ որևէ համաձայնագրի առկայությունը:
Հիշեցնենք, որ ելույթ ունենալով Նյու Յորքում ՄԱԿ-ի Գլխավոր ասամբլեայում, Զելենսկին հայտնել էր՝ Ուկրաինան վերջերս Հարավային Կորեային է փոխանցել երկու հյուսիսկորեացի զինվորի, որոնք գերի էին վերցվել Կուրսկի մարզում:
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Երթևեկության կազմակերպման փոփոխություն՝ Վարդանանց փողոցում
Առաջին նոր երգ` հարսանիքից հետո
Դեպի Երևան․ ինչպե՞ս (տեսանյութ)
Շարունակում ենք ստուգայցերը ՊՆ զորամասեր (տեսանյութ)
Ալիևը ներում է շնորհել Ֆրանսիայի քաղաքացուն
Z համաշխարհային պատերազմը վերադառնում է
Տուրիստ չեմ` ավտոբուս չկա