Շվեյցարիան երեկ չեզոք էր, այսօր չեզոք է և ապագայում էլ կմնա չեզոք
Շվեյցարիայի բնակիչների ավելի քան 70%-ը հանրաքվեի ժամանակ դեմ է արտահայտվել նախաձեռնությանը, որը նախատեսում էր Սահմանադրությունում ամրագրել մշտական և համապարփակ չեզոքության սկզբունքը, ինչպես նաև երկրի համար կսահմանափակեր տնտեսական պատժամիջոցներ կիրառելու և ՆԱՏՕ-ի հետ համագործակցելու հնարավորությունը։ Ինչպես հաղորդում է «Արմենպրես»-ը, այս մասին հայտնում է Reuters-ը։
Կառավարության կայքում հրապարակված վերջնական տվյալների համաձայն՝ նախաձեռնությանը դեմ է քվեարկել ընտրողների 70,15%-ը, կողմ՝ 29,85%-ը։ Հանրաքվեին մասնակցության ցուցանիշը կազմել է 47,06%։
«Այս արդյունքը չեզոքության դեմ քվեարկություն չէ։ Շվեյցարիան երեկ չեզոք էր, այսօր չեզոք է և ապագայում էլ կմնա չեզոք»,- հանրաքվեի արդյունքներից հետո կայացած մամուլի ասուլիսում հայտարարել է արտաքին գործերի նախարար Իգնացիո Կասիսը։
Կասիսի խոսքով՝ նախաձեռնության մերժումը Շվեյցարիային թույլ է տալիս շարունակել տնտեսական պատժամիջոցների վերաբերյալ որոշումները կայացնել յուրաքանչյուր դեպքի առանձին գնահատման հիման վրա։ Միաժամանակ երկիրը կարող է համագործակցել այլ պետությունների և գործընկերների հետ, եթե այդ համագործակցությունն ամրապնդում է Շվեյցարիայի անվտանգությունը։
Նախարարն ընդգծել է, որ Շվեյցարիայի անվտանգությունը կախված է նաև հարևան երկրների և ամբողջ եվրոպական մայրցամաքի անվտանգությունից։
Շվեյցարիայի չեզոքությունը միջազգային մակարդակով ճանաչվել է 1815 թվականից ի վեր։ Սակայն երկրի կառավարության կողմից չեզոքության քաղաքականության կիրառման հստակ կանոնները Սահմանադրությամբ սահմանված չեն։

















































Կրկեսը՝ մանկության երազանքից մինչև մարզային բեմեր
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Օլիմպիական խաղերի հնգակի և աշխարհի բազմակի չեմպիոնը կպայքարի Ֆրանսիայի նախագահի պաշտոնի համար
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Նիկոլ Փաշինյանը հանդիպում է ունեցել Կոսովոյի վարչապետի հետ