Ջենսեն Հուանգի հրաժարականից հետո նրա աջակիցները լայնածավալ արշավ են սկսել
Nvidia ընկերության հիմնադիր և 33 տարի շարունակ այն ղեկավարած Ջենսեն Հուանգի հրաժարականից հետո նրա աջակիցները լայնածավալ արշավ են սկսել՝ պահանջելով նրան վերադարձնել գլխավոր տնօրենի պաշտոնին։ Հատուկ ստեղծված հարթակում՝ StandWithJensen.com և change.org կայքում արդեն հավաքվել է շուրջ 180 հազար ստորագրություն։
Հուանգին սատարողների շարքում են ընկերության ներկայիս ու նախկին աշխատակիցները, խոշոր բաժնետերեր, ինչպես նաև Իլոն Մասկը, որը X սոցցանցում նշել է, որ առանց Հուանգի անձնական պայմանավորվածությունների՝ Nvidia-ի հետ կարևորագույն գործարքները կարող են ձախողվել։
ԱՄՆ նախագահ Դոնալդ Թրամփը նույնպես հայտարարել է, որ դեմ չի լինի Հուանգի վերադարձին՝ նշելով, որ վերջինս արդեն «լավ դաս է քաղել»։ Financial Times-ի տվյալներով՝ Սիլիկոնյան հովտի մի շարք ղեկավարներ նույնիսկ «օպերատիվ շտաբ» են ձևավորել՝ Հուանգի վերականգնման համար Սպիտակ տան աջակցությունը ստանալու նպատակով։ Սակայն Վաշինգտոնում միասնական դիրքորոշում չկա․ ԱՄՆ ֆինանսների նախարար Սքոթ Բեսենթը հորդորել է ընկերությանը նոր ղեկավար փնտրել դրսից։
Հուանգը հրաժարական է տվել նոյեմբերի 12-ին՝ անձնական կյանքին վերաբերող աղմկահարույց բացահայտումներից հետո։ Պարզվել էր, որ նա արտամուսնական կապեր է ունեցել երկու կնոջ հետ՝ Nvidia-ի փոխնախագահ Քիմբերլի Փաուելի և չինական հետախուզության հետ կապերի մեջ կասկածվող Էլիս Հուանգի։
Ամերիկացի պաշտոնյաները մտավախություն ունեն, որ Էլիս Հուանգի նախկին ընկերությանը մատակարարված Nvidia-ի առաջադեմ չիպերը կարող էին շրջանցել արտահանման արգելքն ու հայտնվել Չինաստանում։ Այս գործով զբաղվում է ՀԴԲ-ն, իսկ Հուանգը համաձայնել է ցուցմունք տալ Կոնգրեսում։
Սկանդալի և ղեկավարի հեռանալու հետևանքով Nvidia-ի շուկայական արժեքը նվազել է գրեթե երկու տրիլիոն դոլարով՝ իջնելով չորս տրիլիոնի շեմից։ Այժմ ընկերության ժամանակավոր ղեկավարը ֆինանսական տնօրեն Քոլեթ Քրեսն է։

















































Կրկեսը՝ մանկության երազանքից մինչև մարզային բեմեր
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Օլիմպիական խաղերի հնգակի և աշխարհի բազմակի չեմպիոնը կպայքարի Ֆրանսիայի նախագահի պաշտոնի համար
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Էստոնիայի ԱԳ նախարարը Արարատ Միրզոյանին շնորհել է Արժանիքների խաչ առաջին աստիճանի շքանշան