ՌԴ ԱԴԾ-ն հետախուզում է հայտարարել Russian Democratic Society UK ղեկավարի նկատմամբ

Ռուսաստանի Անվտանգության դաշնային ծառայությունը քրեական գործ է հարուցել Միացյալ Թագավորությունում գործող Russian Democratic Society UK (RDS) կազմակերպության հիմնադիր և ղեկավար Քսենիա Մաքսիմովայի դեմ՝ նրան մեղադրելով ահաբեկչական կազմակերպության գործունեությանը մասնակցելու մեջ։ Մաքսիմովայի նկատմամբ, հայտարարվել է միջազգային հետախուզում։

Ռուսական հատուկ ծառայության պնդմամբ՝ RDS-ը Մեծ Բրիտանիայում համախմբել է ռուսաստանցի տեղափոխված բնակիչների, իսկ կազմակերպության միջոցով Մաքսիմովան կազմակերպել է գումարների, սարքավորումների և այլ աջակցության հավաք՝ ի նպաստ Ուկրաինայի։ «Russian Democratic Society UK»-ի և դրա անդամների միջոցով Մաքսիմովան կազմակերպել է դրամական միջոցների, սարքավորումների և այլ օգնության հավաք՝ ի շահ Կիևի ռեժիմի»,- ասվում է հաղորդագրության մեջ։

ԱԴԾ-ն նաև պնդում է, որ RDS-ը հարթակ է դարձել այն անձանց ելույթների համար, որոնք, ըստ ծառայության, ծրագրում էին Ռուսաստանում իշխանության բռնի զավթում և սահմանադրական կարգի փոփոխություն։