ԱԺ-ն քննարկել է Ծովինար Վարդանյանի հեղինակած նախագիծը
Ազգային ժողովն առաջին ընթերցմամբ քննարկել է պատգամավոր Ծովինար Վարդանյանի հեղինակած ««Բաժնետիրական ընկերությունների մասին» օրենքում փոփոխություն և լրացումներ կատարելու մասին» օրենքի նախագիծը:
Ներկայացնելով ոլորտում առկա իրավիճակը՝ Ծովինար Վարդանյանը նշել է, որ գործող օրենքը սահմանում է բաժնետոմսերի պարտադիր հետգնման պահանջի իրավունքը միայն սահմանափակ դեպքերում՝ վերակազմակերպում, խոշոր գործարքներ կամ կանոնադրական իրավունքների սահմանափակում: Ըստ հիմնական զեկուցողի՝ գործնականում, փոքր բաժնետերերը հաճախ հայտնվում են «փակուղային» իրավիճակներում, երբ մեծամասնական բաժնետերը, օգտվելով միանձնյա որոշումներ կայացնելու իրենց իրավունքից և հնարավորությունից, հաճախ դրանք իրականացնում են չարաշահումներով:
Նախագծի ընդունումը բխում է փոքր ներդրողների համար իրական «ելքի» մեխանիզմներ ստեղծելու անհրաժեշտությունից՝ կանխելով մեծամասնության կողմից իրավունքների չարաշահումը: Առաջարկվող նախագծով նախատեսվում է ընդլայնել հետգնման հիմքերը, վերացնել գույքային սահմանափակումը չարաշահման դեպքում, ինչպես նաև սահմանել բաժնետոմսերի կամ այլ արժեթղթերի շուկայական արժեքը որոշող անձին ներկայացվող չափանիշներ:
Նախագծի ընդունման արդյունքում ակնկալվում է ներդրումային գրավչության բարձրացում, իսկ փոքր ներդրողների համար կստեղծվի կանխատեսելի ու պաշտպանված միջավայր:
Հարակից զեկուցող, ՀՀ արդարադատության նախարարի տեղակալ Տիգրան Դադունցը կարևորել է նախագծի ընդունումը՝ ընդգծելով, որ այն միտված է բաժնետիրական ընկերություններում փոքրամասնություն կազմող բաժնետերերի շահերի պաշտպանությանը:

















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Օլիմպիական խաղերի հնգակի և աշխարհի բազմակի չեմպիոնը կպայքարի Ֆրանսիայի նախագահի պաշտոնի համար
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Գևորգ Ղազարյանը հատուկ տեսաուղերձով դիմել է ֆուտբոլային հանրությանն ու հանդես եկել հայտարարությամբ (...
Նիկոլ Փաշինյանը հանդիպում է ունեցել Կոսովոյի վարչապետի հետ