ԱՄՆ նախագահ Դոնալդ Թրամփը 2026 թվականի ապրիլի 5-ին Truth Social էջում հանդես է եկել կտրուկ հայտարարությամբ՝ սպառնալով երեքշաբթի օրը հարվածներ հասցնել Իրանի էլեկտրակայաններին և կամուրջներին, եթե Թեհրանը չբացի Հորմուզի նեղուցը:
Թրամփը նշել է, որ եկող երեքշաբթին Իրանում կլինի «Էլեկտրակայանների և կամուրջների օր» (Power Plant Day and Bridge Day), եթե նավագնացության համար կարևորագույն նշանակություն ունեցող Հորմուզի նեղուցը չվերաբացվի։
Միևնույն ժամանակ, կիրակի օրը Fox News-ին տված հարցազրույցում Թրամփը հայտարարել է, որ երկուշաբթի օրը՝ իր սահմանած վերջնաժամկետից առաջ, Իրանի հետ համաձայնության հասնելու «մեծ հնարավորություն» կա։
Ավելի վաղ Թրամփը նոր վերջնագիր էր ներկայացրել Իրանին՝ հայտարարելով, որ Թեհրանը երկու օր ունի Հորմուզի նեղուցի արգելափակումը դադարեցնելու համար։
«Հիշո՞ւմ եք, երբ ես Իրանին 10 օր տվեցի՝ գործարք կնքելու կամ Հորմուզի նեղուցը բացելու համար։ Ժամանակը սպառվում է, կա 48 ժամ մինչև դժոխքը սկսվի», — շաբաթ օրը գրել էր Թրամփը Truth Social-ում։
Ամերիկացի առաջնորդն առաջին անգամ Հորմուզի նեղուցը բացելու համար Իրանին 48 ժամ էր տվել մարտի 21-ին։ Այնուհետև նա հայտարարել էր, որ այդ ժամկետից հետո ԱՄՆ-ն կոչնչացնի երկրի ամենամեծ էլեկտրակայանները։
Երկու օր անց Թրամփը տեղեկացրել էր, որ ԱՄՆ-ն բանակցություններ է վարում Իրանի ներկայացուցիչների հետ, և որ հարվածները հետաձգվում են։
Իրանը հերքում է, որ բանակցություններ է վարում ամերիկյան կողմի հետ։
Հայաստանում ԱՄՆ դեսպանատունը զգուշացնում է
Ֆինն Գերագուսյանը նշեց իր նորամուտը Հայաստանի հավաքականի կազմում
ԵՄ-ն սցենարներ է դիտարկում Օրբանի հավանական հաղթանակի դեպքում
Իսպանիայում բացվել է «Հոգևոր քարտեզի արահետներով․ հայկական ձեռագրական արվեստը» ցուցահանդեսը
Տիբո Կուրտուայի վնասվածքն ավելի լուրջ է, քան կանխատեսվում էր
ԱՄՆ-ն հարվածել է խոշոր զինամթերքի պահեստի
Բացահայտվել են ընտրակաշառքի տրամադրման, ստացման և ընտրական շրջանում բարեգործության արգելքի խախտման դ...
«Վարչաբենդի» համերգը տեղի կունենա ապրիլի 4-ին՝ ժամը 20.00-ին
Մի խաբեք մարդկանց. Արցախը վերադարձնելու հարցում մենք որեւէ դաշնակից չունենք
«Ալիսան՝ ընդդեմ կախվածության»․ միջոցառում անվտանգ և ապահով կրթության տարվա շրջանակում